حشوات للفطاير ممكن مساعده !

أنا اسلق الدجاج بماء وملح , يمكن نصف ساعة , ثم اخليها تبرد , طبعا المرق خلاص ما احتاجه الحين بس أنا اشيله بالثلاجة , اقلي جزر و بطاطس مقطعه مكعبات صغيرة ,بعدين اقطع بصل تعطيع صغير وضيفي زيت ومكعب ماجي وحركيه على النار ولما يتحمر اضيف له الدجاج طبعا بعد ما اقطعه , وحركي شوي ثم ضيفي البطاطس والجزر , ثم ضيفي بهارات ولو تبين نعناع ناشف أو فلفل اسود ولو حسيتي أنها ناشفة ضيفي لها ملعقتين من مرق الدجاج , وخلاص خليها تبرد وحشي فيها الفطاير أو وهي حارة حشي فيها سندوتشات
وبالنسبة للحم الي قلتي ينشف أكيد تخلينه يطول ترى اللحم المفروم يستوي بسرعة , بس الصراحة أنا اخلية يطول زيك بس اضيف معه طماطم
شفت طريقة اعجبتني بس ما بعد جربتها , حطي اللحم المفروم بصينية وحطيه على النار وحركيه طبعا نار هادية , وبعد خمس دقايق ضيفي البصل وحركيه دقيقتين وإن حبيتي ضيفي ماجي والطماطم المعصورة بالخلاط وتقدرين تحطي معها بالخلاط ثوم لو حبيتي
ثم بهريه وشيليه عن النار , وشوي إذا برد ضيفي بقدونس أو كزبرة أوبصل أخضر وحشي فيها السمبوسة أو الفطاير
أنا طريقتي القديمة قربية منها بس كنت أحط البصل بعدين اللحم , بس أحس إن اللحم قبل بيكون طعمها ألذ
وفيه طريقة سهلة بالبرغر تقليه وتقطعينه صغار وتحشين فيه الخبز البرغر الصغير , مع مايونيز وكاتشب و شريحة خيار
والله يساعدك

هاذي حشوه تهبل واسويها دايما للفطاير.............. جيبي صدور دجاج وقطعيها صغير واحمسيها في مقلاة تيفال ع النار مع زيت وبعدين حطي بصل وثوم وفلفل رومي ملون وطماطم وجزر كلها مقطع صغير واحمسيه معه ثم حطي بهاراتك وكمون مطحون وخلاص احشيها بالفطاير لذيذه جدا جربيها وبتدعيلي