كيفكم حوائيات........؟
امممم أدري أن الكل تصيبه حاله من الإحباط ،،،ويتأزم تفكيرة،،،لما يفكر بالسؤال العجيب اللي يأرق الجميع إيش بسوي اليوم على العشاء:44:
في إحدى الليالي لما اشتد عليه التفكير جاتني هالسلطة في بالي وأنا أتذكر ساندويتش كنا نشتريه بس ما عرفت طريقته قلت أجرب حظي وأشغل عقلي (((أدري أزعجتكم خلاص راح أبدأ لحد يتنرفز علينا من ثرثرتي :a_smil17:))
....
سلطة البطاطس مع البيض المقلي والطماطم بالشطة اللذيذة تنفع كحشوة للساندويتش مع الخبز العربي، أو اللبناني،أو التشباتي المجال مفتوح أمامك.. لتستمتعي بوجبة عشاء خفيفة..
نبدأ مع المقادير:
بطاطس مقلية (بحسب اختيارك ممكن تخلينها مكعبات،،أو أعواد)
بيض مقلي ومقطع لشرائح طويلة
طماطم مفروم ناعم
خس مفروم
شطة جاهزة(دغوس)
بصل مفروم
ملح
عصرة ليمون (اختيارية)
نفرم الخضار بالفرامة أو باليد لقطع ناعمة...ونقلي البيض ونقطعه لشرائح طويلة مثل هالصورة:
ناخذ مقدار فنجان من الدغوس الحار (الشطة)
ونجهّز البطاطس المقلية عشان نضيفها للسلطة
ونخلط المقادير جميعاً مع بعض ولا ننسى رشة الملح مع إضافة عصير الليمون إذا حابين....
(تصدقون والله ريحتها تجنن)
وهااااذي صورة ثانية
نمسح الخبز بطبقة من الجبن أو المايونيز ومن ثم نحط السلطة كحشوة .....وبالعافية على قلوبكم..
انتظروني لحد يرد .....بكمل مع السلطة الرووووومية إن شاء الله
نبدأ مع المقادير:
فلفل رومي
بصل
خيار
طماطم
زيتون
جبن مالح
ـــــــــــــــ
التتبيلة (أنا أستخدم بودرة تتبيل ألمانية بس ممكن تستغنون عنها لأنها مب أساسية)
ملح قليل لأن الزيتون والجبن المالح مكفيين وموفيين
عصير ليمون
زيت زيتون
زعتر
...........
نفرم الخضار لمكعبات صغييييرة
وهذي بودرة التتبيل
نجهز التتبيلة ...أنا ما ضفت زيت زيتون لأن واحد من إخواني يتحسس منه
امممم طعمها خياااال حامضة ونكهتها وااااايد حلوة
نصبها على السلطة
نخلطها زين ...وبعدها نضيف حبات الزيتون (اللي يحب يستخدم زيتون بلا بذور عادي بس هالزيتون محتفظ بنكهته أكثر)
نقطع الجبن المالح لمكعبات صغيرة ونضيفه للسلطة ونوزع فوقه الزعتر المطحون حتى يمسك في كل قطعة
بما أنه صيف والحرارة مرتفعة من المفترض أنك تحطي السلطة بالثلاااااجة بسرعة عشان لا تسيح الجبنة وتخرب الشكل العام للسلطة...بس عاد أنا كنت مستعجلة وغرفتها في صحن عشان كذية شكلها مب ذاك الزود:biggrinlo