حشوة دجاج مين تعرفها

وعليكم السلام

الحشوه هذي بحر واسع وكلن وذوقه يسويها اساسها دجاج او صدور دجاج مسلوق بمويه وملح وبهارات حب مثل هيل اعواد قرفه ورق غار ثم تصفى وتفتت باليد او الشوكه .

ثم تبدأين تجهزين الاضافات من الخضار اللي يناسب ذوقك سواء جزر ملفوف كوسا فلفل بارد ذره تكون مقطعه اعواد او مبشوره

وفي طاوه على النار حطي قليل زيت وبصله مقطعه شرايح وثوم شوحيه الى ان يذبل

واضيفي له البهارات حسب ذوقك فلفل اسود كمون كزبره ناشفه اوريغانو قرفه ثوم وبصل بودره وملح وممكن تضيفين مكعب مرق

ثم اضيفي الخضار المقطعه وحركيها الى ان تذبل واذا كان ناشف اضيفي فنجان صغير مويه وغطيه يذبل دقايق

ثم اضيفي له الدجاج وحركيه وغطيه دقايق يتشرب النكهات

وبعد ماينضج انتي مخيره تستخدمينه مثل ماهو او تضيفين له جبنه سائله او مايونيز او قليل قشطه او كلها مع بعض

كذلك تقدرين تضيفين لها طماطم ومعجون طماطم بعد تشويح البصل اذا كنتي حابتها تكون حشوه حمراء

يعني الحشوه عباره عن دجاج مسلوق مفتت وخضار مشوحه بالزيت والبهارات

اتوقع مستخدمين مفروم الكبير بالدجاج

شوفي طريقي في حمس الدجاج افرم صدور دجاج بعد السلق بعدين احمس بصل وطماطم بعدين احط الفلفل رومي وجزر احط كركم بهارات شوي مو كثير اذا بحطه في الصمون او الخبر اخلط كريمه خفق مع قيمر وامسح فيه واحط الحشوه بعافيه 💕

اول شي اسلقي صدور دجاج ونتفيها صغار وفِي قدر حطي زيت شوي زي حق البيض بس يصير حار حطي بصله مفرومه مع فصين ثوم مفرومين وحركي بس يذبل البصل حطي الدجاج والجزر المبشور والذره المعلبه وحركي حطي ملح وفلفل اسود وبهارات وحركي الين تأخذ الدجاج لون البهارات سكري النار وخلاص هاذي حشوه حلوه لكل شي للسمبوسه للفطائر المكرونه للسندوتشات

استخدم انا ذا الطريقـه
اقطع الدجاج مكعبات صغيره واحط شوية زيت بالصااج واقلبه حتى ينضج وبعدها فلفل رومي مقطع صغير وجزر مبشور والذره واحط عليه قليل من الملح والبهارات المشكله قليل لاتكثرين وبعد ماتقلبينها وتاخذ طعم البهارات قفلي عالنار وحطي جبن سايل والخردل ومايونيز وقلبيها حتى تتداخل مع بعضها النكهات واحشي بها السندويتشات او جيب التاجر اوالسبرينغ رول ويارب تعجبك وبالعافيه