كيفكم ياحلـــــــوات
وكل عام وأنتم بخير ومبارك عليكم الشهر
وإذا جبنا سيرة رمضان على طول السنبوسة تطرا على بالنا
طريقتي في حشوة السمبوسة ماخذتها من الوالدة الله يرحمها ويجعل مثواه ووالدي الجنة
أولاَ- المقادير:-
كيلو لحم أو دجاج مفروم
حزمة بقدونس
نصف حزمة كزبره خضرا
ربع حزمة كراث أو اربع حبات بصل أخضر
ربع أو نصف حزمة شبث أو شبت حسب الرغبة
أربع حبات بصل كبار
قرن أو قرنين فلفل حار هندي ( حسب الرغبة )
بهارات( فلفل أسود + قليل كزبرة ناشفة مطحونة + شوية كمون )
ثانياَ الطريقة:-
نحط اللحمة في المقلاة ونطقطقها عشان ما تتكور وإذا حسيتي
أنها كذا تجبين خلاط مولينكس حق البصل وتحطين كمية وفرمة وحدة أو فرمتين مو مره تفرمينها يعني ضغطة أو ضغطتتين ههههههههه
لأن ذي الطريقة تخليها مثرية وماهي متلبزة أهم شيء يكون لون اللحم متغير ماهو نيء والله الطريقة مريحة أحسن من الطقطقة
رجيعها المقلاة لين تحسين اللحمة استوت
إذا شفتي فيها موية أو زيت حطيها في المصفاة ورجعيها المقلاة
وحطي البهارات والملح والفلفل الأخضر الحار
طبعاَ تكون الخضار مغسلة زين ومقطعه كلاَ على حدى والبصل أكيد
نحط أول شيء البصل ويتقلب مع اللحمة شوي
ثم نضع الكرات أو البصل الأخضر
بعدين الكزبرة الخضراء
بعدين الشبث أو الشبت
وقلبيهم على النار شوي أقل من دقيقة
وطفي النار وحطي البقدونس وقلبيهم كويس
إذا شفتي فيه موية بعد الخضار صفيها في المصفاة
وبكذا تكون أنتهت الحشوة
وبعد ماتبرد الحشوة نجيب الرقاق أو العجينة المعتمدة عندك وتحشيها وبالعافية على قلوبكم
والله يابنات الحشوة مرررررره طعمة والناس أذواق
ودعواتكم لوالدتي ووالدي بالرحمة والمغفرة ولي بالفرج
وكل عام وأنتم لله أقرب
سحابة سديم @shab_sdym
محررة فضية
يلزم عليك تسجيل الدخول أولًا لكتابة تعليق.
ذبحني غلاه
•
الله يجزاك خير ويرحم الوالده ويغفرلها ويجعل مثواها الجنه ويرحم والدي ويجعل مثواه الجنه
الله يجزاك خير ويرحم الوالده ويغفرلها ويجعل مثواها الجنه ويرحم والدي ويجعل مثواه الجنهالله يجزاك خير ويرحم الوالده ويغفرلها ويجعل مثواها الجنه ويرحم والدي ويجعل مثواه الجنه
جزاك الله خير ويرحم والدك ويجعل مثواه الجنة
الصفحة الأخيرة