السلام عليكم ورحمة الله وبركاته
صباحكو عسل ياعسولات
حبيت أفيدكم بحشوتي المعتمده في السمبوسه والبف والسبرنق رول
كثيرين أعجبتهم الطريقه وخاصه إنها بالدجاج
يالله تعالوا شوفو
السموحه ماصورت لكم كل الخطوات >> أصلا ماتذكرت إلا في النهاية هع هع
احمس بصل مقدار كوب ونص تقريباً مع شوية زيت لحد مايذبل بدون مايحترق ثم أضيفي عليه
2عصاج دجاح مفروم الوطنيه ( الوطنيه أحسن شي أو ممكن صدور دجاج بس قطع صغييييره مره )
وقلبي وأنتي تهرسي العصاج لحد مايتفكك ويصير أبيض أضيفي عليه صويا صوص معتدله 4 ملاعق
وقلبي الخليط لحد ماتتداخل الصويا مع الدجاج .
تكونين مقطعه بطاطس مربعات صغيييره مره يمكن نص سنتي وسالقتها في مويه وحبة ماجي
لحد ماتستوي مو تذوب انتبهي
صفيها من المويه وضيفيها على الدجاج مع ملح وبهارات ملعقة صغيره بهار مشكل من شكرة إسناد وشوية فلفل
أسود وقلبي الخليط ثم طفي النار عليها واتركيها تبرد
لما تبرد أضيفي عليها جبن تشيدر مبشور ( كل ماكان أكثر كان ألذ ) أنا حطيت 2
وبقدونس مفروم ( البقدونس إختياري للي مايحبه )
واخلطيهم مع بعض
وبس احشي فيها وتلذذي وعايلتك بالطعم اللي ماحصلش ولا تنسوني من دعواتكم الطيبه
ملاحظه /
الحشوه هذي أو أي حشوه لازم تحطيها في مصفاة وأنتي تحشي لأن المرق يخرب شغلك كله