كل سنة وكل امهاتنا بخيرويارب يخلى كل الامهات
وفى المناسبة دى حبيت اعبر عن حبى لامى باقل شى
واهديتها فى عيد الام الهدية البسيطة دى
وزى ما وعدتكم انهاردة هنعمل مع بعض
تورتة الفراشة المميزة
تورتة موس الشكولاته
والترايفل
بالتفصيل الممل
بسم الله نبدا
اولا الكيك الاسفنجى
المقادير
الكيكك الاسفنجى زمان كان على طول عندى معا مشكلة ولكن لقيت الحل ودلوتى والله العظيم بيطلع احلى من الكيك الجاهز وعلى ضمانتى بس امشى على الخطوات بالظبظ
سيبك من اللى يقولك افصلى البياض عن الصفار وسيبك من النشا وسيبك من الرغى الكتير وندخل على المقادير:cook:
عشر بيضات بدرجة حرارة الغرفة
كوب من السكر
كوبيتين من الدقيق
معلقة كبيرة من محسن الكيك هام جدا
معلقة بيكنج بودر
فانليا
الطريقة
يضرب البيض ومحسن الكيك على السرعة الهادية
ويضاف السكر بالتدريج
ويضري الخليط لحد ما يبقى زى الكريمة
وبعدين نضيف الفانليا
وبعدين الدقيق المنخول مع البيكنج بودر
بالتدريجونخفق ببطى
ولو عيزنها شكولاتة بننقص جزء من الدقيق ونضيف الكاكاو
وده شكلها بعدما استوت
مقادير الحشو
باكو كريم شانتى
ربع كريمة لبانى
علبة زبادى
حشوة الشكولاته
كوب لبن
ربع كوب سكر
ربع كوب كاكاو
قطعة شكولاته
معلقتين دقيق
نضرب الكريم شانتى مع اللبن لحد ما يتضاعف حجمه
وبعدين نضيف الكريمة والزبادى
هنا الكريم شانتى مع ربع كوب سكر
وهنا بعد الخفق
يتبع
يتبع
يتبع
نعمل حشوة الشكولاته
نضيف السكر مع الدقيق مع الكاكاو ونضيف اللبن بالتدريج ونرفعه على نار هادية
ولما يغلى ويتقل نضيف الشكولاته
وده شكله بعد ما خلص
نشلهم فى الثلاجة ونبدا فى تقطيع الفاكهة
انا قطعت
كيوى
فراولة
كمبوت خوخ
وبعدين نقسم الكيكة على طبقات انا اسمتها على سبع طبقات
معلش معرفتش اصور الخطوة دى
بصو بقى الخطوة دى
هنجيب الصنية اللى عمانا فيها الكيكة
وهى دى اللى هنحشى فيها الكيكة
هنحط فى الصنية اول طبقة من الكيك
بحيث يكون وش الكيكة هو اللى تحت
ارجو تكون واضحة الفكرة
ونضيف الكريم شانتى
يتبع
يتبع