حصريآ ولأول مررره (( تبنياكي السمك )) من يديني --->>mooDy18

بسم الله الرحمن الرحيم

السلام عليكم ياحلوات


كيفكم شخباركم


(( التبنياكي )) الأكله المشهورة في المطاعم الصينية واللي يدخل هالمطاعم لابد انه يطلبها .. لأن فيها طعم الحلاوة وبنفس الوقت النار اللي تطلع من الفم بسبب الفلفل اللي فيها ... بجد لذيييذه

أنا قعدت فتره احاول اطبقها بس الحمد لله اخذت طريقه من منتدى آخر من وحده جزاها الله خير وعدلت فيها على مايناسبني ويكون بنفس الوقت ... مطابق لطعم تبنياكي المطاعم...


على فكره حابه أقول أنا مشاركه لي فتره واستفدت كثير من خبراتكم وانجازاتكم .. الله يجعلها في موازين حسناتكم..

وحابه اليوم اوريكم انجازي واتمنى تجربوه وتعطوني رآيكم لأنه فعلاً يستحق التجربه والأعتماد..(( والناس أذواق))


IMG_0209


نبدأ بسم الله ..

المقادير:

(1)

صحن فيليه سمك مقطع قطع متوسطة الحجم ( يفضل يكون الفيليه أبيض لأنه في الطبخ بيكون زي القطنه وخفيف ع المعده)

المواد الجافة وهي (دقيق - م ص آجي موتو - م ص بيكنج بودر - م ك ثوم بودرة)

يقلب الفيليه في المواد الجافة من جميع الجوانب ويغلى في زيت غزير الى ان يصبح لونه ذهبي فاتح ومايكون بني ) وعلى فكره تراه يتسوي في دقايق انتبهوا لهالنقطه.

,,,,,,,,,,,,,,,,,,,,,,,,,,,,,,,,

(2)

1 بصل مقطع شرايح

1 فلفل رومي مقطع شرايح

1 بصل اخضر مقطع حلقات

1 أو 2 فلفل حار أحمر أو أخظر مقطع حلقات << اذا تحبي تزيدي النكهه الحارة في الأكل.

فص ثوم مقطع شرائح طويله.



نخلي هالمقادير على جنب لآخر شي

,,,,,,,,,,,,,,,,,,,,,,,,,,,,,,

(3)

في زبدية نضع

ك ك كتشب

2/1 ك ك صوص صويا ( معتدل - حلو حسب رغبتك ) أنا حطيت الحلو

4/1 ك ك صلصة

4/1 ك ك نشا نذوبها شوي في مويه حاره ونتأكد أنها ذابت كلها ومابقى فيها كتل

ك ك مويه حارة

م ك سكر

رشة ملح

أنا اوقات احط قطرتين او 3 من خل البلسمك بس ترى مو ضروري


نخلط ه المقادير مع بعض ونضعها في مقلاية الين تثقل ونحط فوقها فيليه السمك وبعدها بدقيقه نحط الخضار ونخليه على النار لمدة دقيقتين فقط وطفي عليه ولا تطولي لأني هنا أبغاه يطبخ على البخار فقط

وقدميه مع رز ابيض وبالعافية


IMG_0210




IMG_0212



IMG_0215



وأي استفسار أنا جاهزه


بنات الصورة مو موقعه بأسمي لأن ماعندي وقت اوقعها بس اتمنى محد ينسبها لنفسه لأنه مجهودي وتعبي وماني حابه انه يضيع

فرجاء من اخت لأخواتها انه ينقل للفائده وعليه اسمي فضلاً لآ أمرً ,, وجزاكم الله كل خير


أختكم في الله mooDy18