تحيـــــــــــــــــــــــاتي لجميع عضوات هذا المنتدى الرائع
بعد ما بحثت في المنتديات عن طريقة الدبس ما حصلت اي موضوع
وبما اني اعرف اسويه قلت خليني افيد البنات وبيكون هالموضوع اول موضوع ينزل عن الدبس
الدبس له فوائد كثيرة ويستخدم بعدة اكلات
بالنسبه لي احب احط الدبس على اللقيمات بدل الشيرة لانه انفع
واسوي السويت رول بالدبس بدل السكر الاسمر
واحبه انا والعيال مع الفطور
وفيه فائدة كبيرة كقناع للبشرة
وايضا علاج مفييييد جدا لتقصف الشعر
على العموم لو بذكر فوائدة ما راح اخلص
والحين اليكم
<< الــــــــــــــــطــــــــــريـــــــــــــــقـــــــــة>>
*ملاحظه*
الافضل اننا نستخدم التمر اللي مضى عليه حول (اي سنة)
علشان كمية الدبس بتكون اكثر.
1- تفوريين ماء صافي بقدر كبير وتحطين فيه التمر .
2- تتركين التمر بالماء الحار لعدة ساعات (علشان يسهل عليك هرسه) .
3- بعد هرس التمر بالماء يوضع على النار , ويترك على نار هادية لعدة ساعات
( حتى ترين نواة التمر تضاعف حجمها ) .
>>> زي ماهو واضح بالصورة <<<
4- بعد كذا تطفين النار وتتركينه حتى يدفأ .
( أنا شخصياً أتركه ساعتين تقريبا ً )
5- تأخذين خيشة الرز (كيس الرز )
طبعاً بعد تنظيفها.
طريقة التنظيف :
* بغسلها عدة مرات بالماء الحار .
** ثم نقعها ليلة كاملة بالماء الحار (علشان تروح الاوساخ) .
^ وانا ما انصح باي خيشة _ لكن اهم شيء اذا غسلتيها ما يسيح صبغ الكتابه ( إن شاء الله فهمتوا قصدي لأن فيه أنواع جيده وممتازه ما تسيح اصباغ الكتابه اللي فيها وأنا مع التجربه عرفتها بس ما اقدر اكتب الاسم علشان ما يقال -دعايه - :) ) ^
6- المهم تضعين التمر المطبوخ بالخيشة ( بالكيس)وبيكون تحته سطل نظيف .
>> زي كذا <<
7- تتركينه لفترة من الزمن .
( بالنسبه لي اتركة بالليل واروح انام لين الصباح
وطبعا بيكون مثل ماهو واضح بالصورة السابقة ).
8-بعد كذا تصفين عصيرأو ماء التمر اللي بالسطل.
>>> مثل ما تشوفين بالصورة <<<
9-وتضعينه على النار يطبخ
لعدة ساعات.
10-طبعا راح يطبخ لين يتبخر الماء
ويبقى الدبس .
ملاحظه هامه :
اهم شي إنك تعرفين وقت استواءه , لازم لما تشكين انه نضج
* تاخذين منه ملعقه صغيره وتحطينها بالماء البارد ...
( اذا نزل الدبس في قاع الكأس هذا دليل نضجه )
>>> زي ما تشوفين بالصورة <<<
((اما اذا اختلط بالماء فهذي علامه واضحه إنه لسى ما نضج))
**وفيه علامة استواء ثانيه بتشوفين فقاعات كثيرة
ان شاء الله انك تفهمين علي
على العموم زي كذا
والحين الحمدلله
الدبس جاهز :icon28: بس طبعا تتركينه لين يبرد .
-----------------
وبهذا الوقت تجهزين العلب وتعقمينها بعرضها على النار قليلا
بعد تنظيفها بالماء والصابون.
وبعد ما يبرد الدبس تعبين العلب .
وبكذا انتهت على خير طريقة عمل الدبس ...
>>> وبيكون شكله كذا <<<
.... وبالهناء والعاااااااااااااافية للجميع ....
((( وانا عملت منه سويت رول
طعمه جنااااااااااااااان )))
والله يابنات اني تعبت على هالموضوع
واخذ من وقتي بس كل شي يهون علشان بنات حوا ء
و هالمنتدى اللي يستاهل كل خير
بس ابي منكم دعوة
ان الله يسهل ويسر حملي وولادتي ويرزقني طفلا تام الخلق والخلقة اللهم آميييييييين
ودمتم بود
اختكم
نووور الشمس