اخبار الطيبات الغاليات الحبوبات بنات عالم حواء
اتمنى من العزيز القدير انكم بصحه وعافيه
اول شي احب اكتبه خاصه اني شفت اسمها فوق مع المشرفات وبالون الازرق انكتب
الله يرحمك يامشرفتنا الغاليه ام فيصل ويجعلك في جنة الفردوس والدي والمسلمين اجمعين والصلاة والسلام على النبي
المهم جبت لكم حلى روعه شويه عليه وسهل ماياخذ من وقتك غير نصف ساعه او هي اقل بعد
سمعت عنه وماشفته مصلحته بنت عمي الله يخليها يارب امدحوه خواتي اتصلت عليها اخذت المقادير وطبقته
وطلع جدا رائع الله يجزاها الجنه
قلت فرصتك يابنت اسدحيه للبنات خليهن يذوقنه
كني طولت صح خلاص خلونا نبداء بالمقادير
ولا تبون الصور اول خلاص خذو الصور اول وبعدين المقادير
هذي قدمتها بصحن فلين وصية بنت عمي تقول يطلع كنك جايبه كمثرى من السوق وغير كذا مميز في التقديم
هذي صوره اخرى قدمته بصحن
وهذي بعد صوره ثانيه
عاد الحين خذو المقادير
للحشو
نحتاج جبن كيري او مثلثات
اعواد قرنفل لزينه
وشيره ثقيله
................
مقادير العجينه
نصف كاس مويه
وربع كاس زيت
ملعقه صغيره بكنج بودر
وملعقه كبيره خميره
فنجال سكر
هذي كلها في الخلاط الكهربائي
نجيب نصف كاس سميد
وكاس ونصف دقيق
ونعجنها بالي خلطناه في الخلاط
راح تتكون عندنا عجينه قاسيه لاتلتصق باليد
نتركها تتخمر نصف ساعه او اقل اذا كان الجو حار اقل وقت من صف ساعه
نجيب جبن كيري او جبن مثلثات عشان الحشو
ناخذ العجين ونقطعها كور يمكن راح يطلع معك قرابة ال15 او 16 حبه
حشيها جبن شكليها زي الكمثرى
وعلى الزيت انا كنت اشكل واحط بالزيت مباشره
بعد القلي
تكونين مجهزه شيره غليظه تصبينه عليها
بعد ما تشرينها الشيره زينها باعواد القرنفل انتبهو تحطونه قبل لانه راح يطعم بالكمثرى
وبس وقدموه زي ماتحبون
ان شاء الله يكون الحلى عجبكم زي ماعجبني
وماابي غير دعوة منكم يالغاليات
والسلام عليكم ورحمته الله وبركاته