حصريا .. في عالم حواء (( كيكة شون ذا شيب )

السلام عليكم شخباركم يا حلوين والله اشتقت لكم ورجعت لكم بعد غيبه . مع اني ما كنت غايبه بس كنت ماخذه فترة نقاهه من الكتابه ..

كيكة الخروف شون ذا شيب اكيد اتعرفونه ... حاولت ابدع واقتربت من الشكل اتمنى تعجبكم ..

وبالنسبه للطريقه فمافي اسهل اتجيبين كيكه جاهزه ساده ووحده ثانيه بالكاكاو .. وكل كيكه تعجنينها بشويه حليب مركز وبعدين تحاولين اتسوين الشكل المطلوب وعقب تدهنينه بالحليب المركز بالفرشه وبعدين الجزء الابيض اترشين بجوز الهند والجزء الاسود ببودرة بسكوت اوريو وبعدين اتسوين كريم كراميلا بس كوبين حليب وعلبتين كريم كراميلا اتسوينه كالمعتاد واتصبينه في الاماكن الخاليه من الكيكه .. شوي اشوي وبالثلاجه ..