المكدوس من الاكلات الشعبية الي تقدم مع الشاي
من الذ الماكولات الموجودة على مائدة الفطور والعشاء
وطريقتنا مافي متلها ابدا من ايام الجدات طريقة مميزة تعطي طعم مكدوس اصلي مميز والكل بينعجب بالطعم بعد هالطريقة ولاحتى المكدوس الجاهز الي يباع بالمحلات رح تلاحظون الفرق القوي بين الاثنين طراوة مع حموضة رائعة خاصة اذا الفلفل الاحمر معه عرق حار
ويتيميز بلون فاتح رائع جدا وشهي عكس لون الطريقة الموجودة بالنت معها سواد ولون غامق
المقادير
انا ماوزنت المواد لكن بعطيكم تقريب للمقادير
1-حوالي 4 او 5 كيلو باذنجان الي لونه فاتح مع خطوط بيضا مو الاسود افضل واذا لم يوجد يمكن استعمال الاسود لكن مارح يطلع لون فاتح مع مراعاة يكون الباذنجان صغير نوعا ما
2 - 3 كيلو فلفل احمر حار او بارد ( للحشوة)
4 - ملح
5 - جوز ( عين الجمل ) للحشوة
الطريقة
اولا قومة بنزع راس الباذنجان وضعيه بقدر وغمريه بالماء وضعي فوقه رؤس الباذنجان الي قطعتيها حتى مايطفو الباذنجان لفوق حتى يصير لون موحد لانو الجزء غير المغمور بيطلع لونه اسود
ضعي وعاء مسطح وفوه ثقل حتى ينزل الباذنجان للقاع
خليه يغلي حوالي 5 د بعدها طالعي باذنجانة وشوفيها اذا صارت طرية شوي سكري على النار وصفي البانجان مباشرة وحطي تحت الماء البارد لمدة 5 د
جيبي الباذنجانة قسميها بالنص بالسكين بدون ماتقطعيها لقطعتين بس يفتح معك شوي بحيث تحطي بداخلها الملح وسكريها
و ضعي على الراس شوية ملح
جيبي طاولة صغيرة او اي شي مرتفع قليلة على الارض يكون مسطح حطي عليه قماش وسطري الباذنجان جنب بعض ادوار يعني بيتحمل 3 او 4 ادوار فوق بعض وحطي القماش فوقهم وحطي صينية او اي شي مسطح عندك وفوقه ثقل ( جرة غاز مثلا او حجر كبير او اي ثقل)
يجب وضعه في مكان مثل الحوش او السطح لانو رح تخرج منه ماء اسود بيصبغ الارضية
(للاسف نسيت اصور هالخطوة )
وبنفس الوقت
قومي بتشريح الفلفل الاحمر وشيلي البذور والعروق
قومي بنشر الفلفل الاحمر في الحوش عندك او على السطح اتركيه يومين حتى ينشف ويصير بين اليابس والطري وافرميه بالفرامة
قومي باستفقاد الباذنجان تاني يوم لما بتشوفي الباذنجانة صارت رقيقة شوي بتطالعيها طبعا رح يكون شي مرقرق وشي منفوخ اسا مانزلت الموية منه لذلك منترك الي مانزلت منها الموية ومناخد المرقرق وحطي بالثلاجة
ومنرجع الاثقال لليوم الثاني بستفقديه وبنفس الطريقة بتشيلي الرقيق و اليوم الثالث لحتى يصير الكل نفس الشكل يعني هالعملية بتصير على دفعات
وبصير متل هالشكل
بعد مايكون جهز الباذنجان والفلفل المفروم قومي بجرش عين الجمل وخلطيها مع قليل من الملح على الفلفل البارد واخلطيهم وقومي بفتح الباذنجانة وحطي مقدار من الحشوة وسكريها بيديك
قومي بعدها بترتيبهم بمرطبان وغمريهم بزيت عافية او مازولا ممكن استبداله بزيت زيتون لكنه بخلي لونه يصير غامق
ا
الطريقة متعبة شوي وفيها خطوات كتير لكنه يستهال وهالكمية تكفيكي سنة تقريبا او شهور عديدة
ان شاء الله تكون الخطوات واضحة واي سؤال اتفضلوا
وصحة وعافية
