حنوووون المزيون
الله لا يعيد الشر ولا يوفق من كانت السبب في حملي خارج الرحم ..
كنت مسافره مع زوجي وتأخرت الدوره علي طبعا بهالشهر رحت لدكتوره قلت لها تركت الحبوب وما حملت صار لي 4 شهورفعطتني الله لا يعطيها خير أبر منشطه لمدة أربع أيام وكل أبره ب20 دينار مع إن عندي 3 أطفال كل حملي فيهم طبيعي بدون حتى كلوميد المهم خذيت الأبر وتخرت وكل ما سويت تحليل بول يقول مافي شيء وكنت أحس بأشياء غريبه من عوااااااار في بطني وأحيانا ما اقدر حتى أمشي
رجعت الكويت وحللت بنفس اليوم قالي حامل واله ما فرحت لأني حسيت إني مو حامل ولا فيني شيء يدل عالحمل .. وكانت يصير فيني هبوط وألم كله علبالي غازات لن فيني الغولون
مره رحت السوق وهناك ما قدرت أتحرك فخذتني أختى لمستشفي الصباح وشافني دكتور شلون أتألم حتى العربانه اللي كنت قاعده عليها لو طقت في الباب صرخت من الألم فقالي بعطيك باسكوبان حيهديك ده كلو مغص .

وحطولي الدرب وباسكوبان وبطني يعورني شوي ومره يهدي حسيت بشيء غريب .. قلت بروح الحمام وأول ما دخلت وإلا معاي نزيف فطحت غشيانه ... وفتحت عيني عند دكتور السونار يقولي إنتي ما تدرين إنك حامل حمل خارج الرحم :( طبعا ما كنت أدري فسوت لي طبيبة استئصال لقناة فالوب والله أعلم بنفسيتي المحطمه شلون كانت وزوجي شلون كان خايف والله لا يعيد الشر

أعهم شيء أختى لازم تسوين تحليل لهرمون الحمل لمن تحملين وتشوفينه لو ما كان يتضاعف أضعافه وإلا ترى فيه مشكله
<(محد قدي)>
<(محد قدي)>
حنوووون المزيون الله لا يعيد الشر انشاء الله وانشاء الله تكون هذي اكبر المصايب ويرزقك ربي انشاء الله بالذريه الصالحه

وشكرا على المشاركه لانه حلو كل وحده تكتب تجربتها عشان يستفيد غيرنا