حصل قبل 3 شهور

السلام عليكم ورحمة الله وبركاته

اعتذر عن غيابي والسموحه منكم

المهم قبل مده ماهي ببسيطه انطرد 27 ولد من ملجأ دار الرياض (للايتام) بأمر ان ماينامون الا في المؤسسه النموذجيه (على أساس ان كبروا ولازم ينتقلون الى المؤسسه النموذجيه )

وصاحب المقطع يقول ان المؤسسه النموذجيه الى الان ماأكتملت وفعلا له مقطع ثاني بمقر المؤسسه النموذجيه وهي عظم اي عظم لسّى أرض وعمودين

وطلعوا على البرنامج الفلاني ومدري ايش وكلام فاضي

لكن سؤالي ليش الى الان الجهات المختصه تعتبر الايتام واللقطاء مثل الغنم تشيل وتنقل فيهم من دار التربيه الى المؤسسه النموذجيه الى الشقق المفروشه الى الشارع غير الالفاظ اللي يتعلمونها من المربين او امسؤلين عنهم في الدار والمعامله القاسيه من ضرب وغيره

يعني والله لو لا هاليتيم ماستلموا رواتب واكلوا عيالهم عشان يروحون يطردونهم
الله يستر ويعين كل يتيم ولقيط

اليكم المقطع :44:
http://www.youtube.com/watch?feature=endscreen&NR=1&v=8ipegAE8118


الله يشهد اني مانزلت الموضوع عشان يتقيم او أشكر عليه عشان نلتفت للمساكين ونزورهم ونسأل عنهم قال تعالى (( ويسألونك عن اليتامى قل إصلاح لهم خير وإن تخالطوهم فإخوانكم والله يعلم المفسد من المصلح ولو شاء الله لأعنتكم إن الله عزيز حكيم ))