محتاره باسم :

الموقف اللي صار لي وانا بشهر العسل بالشرقيه رحنا على شاطئ نصف القمر وبجمب البحر فيه مراجيح واجر خيول ودبابات المهم راح استأجر لي دباب وله واحد طرنا ورا بعض ورحنا نطعس المكان حلو ومافي زوار كثيير كم عائله يالله اشوفهم من بعدهم وبعد ما ابنسطنا قرب آذان المغرب قال خلاص يالله نسلم الدبابات ونروح قلت ماشي.. المكان اللي كنا نطعس فيه بعيد عن المكان اللي استاجرنا منه ( الهندي اللي ياجر الدبابات ) واحنا مروحين هو قدامي وانا وراه بس فيه مسافه كبيره ( انا ماشيه بحذر وبسرعه معتدله خايفه اسرع ) قلت في نفسي خليني اجرب اخر سرعه واضغط على البنزين واطير يوم شافني اسرعت ابعد هو على يميني صار يمشي وهو بس يلتفت علي .. انا قلت في نفسي لا تبعد اعرف اوقفه( ماشاء الله ولا الرالي ) المهم وعلى سرعتي الاخيره .. اقوم وامسك فرامل الله واطير بالسماء انا والدباب ما فارقت الدباب الا بالهواء واطيح على الارض واصرخ من قوة الضربه وخايفه الدباب يلحقني ويوقع فوقي بس الحمد لله طاح بجنبي ما رفعت راسي باقوم الا زوجي فوق راسي متفشل وجه احمر ويقول مووووووووتي ولا يطلع صوتك وانا زي اللي يجون بافلام الكرتون 3 عصافير تحلق فوق راسي المهم بعد ما قومني وصرت اعرج ركبت السياره قالي اودكي المستشفى قلت لا ( من الفشيله ) وديني الفندق مااعرف شقول متفشله ووجعانه وزعلانه من كلامه الله لا يورها احد

الموقف اللي صار لي وانا بشهر العسل بالشرقيه رحنا على شاطئ نصف القمر وبجمب البحر فيه مراجيح واجر...