شوفي ياعزيزتي انا اول سنه زواج كنت مثلك بالتمام،،، نفس معامله أهل زوجك لك ،،،خوات زوجي كانوا كله جالسين بغرفهم وسوالف وضحك توصل لعندي
علي بالك كانت اهتمام ولا كني اسمع ،،،امهم الضعيفه هي الي تجلس معي واغلب وقتها نايمه لانه مريضه الله يشفيها،، والله أني لما كنت اروح ماروح عشانهم بس عشان ولدي يشوف جدانه ولا هم ماجبت لهم خبر
الوحده تجيك تسلم من دون نفس والوجه معفوس كن احد غاصبه علي السلام،،،وزوجي كل مادخل وطلع شافني جالسه لحالي ماعندي غير أمه منسدحه ونايمه يدخل عليهم الغرفة ويتكلم عليها انتو ماغير
جالسين بغرفكم ،، ماتحترام الي زيركم،،،ويعطيهم من هل الكلام قدمه يطلعون،، وَذَا طلع دخلو غرفهم،،، انا كنت مثلك ماعمري قلت له خوات مايجلسون معي ولا جبت له طاري ،،،وهو من نفسه لاحظ ذَا الشيء بعدين صارت
زيارتنا لهم يوم الجمعة وبس غداء والعصر نمشي مانطول،،،،انا في نفسي قالت يمكن هم غيريين مني لأَنِّي تزوجت بعمر صغير18سنه وهم كبار بالعمر اكبر مني بكثير عشان كذا يتعاملون معي بهل الأسلوب
وفعلا بعد سنتين من زواجي اخته الكبيرة ملكت تعالي شوفي كيف تغيرت معي 💯بمئة ندخل البيت تهلي وترحب والضحكة شاق الفم صارو يجلسون معي ويسلفون ماعدا و مثل اول
والسنه الي بعدها ملكت الثانيه ونفس الشيء تغير معي لدرجه ماتصدقين انهم هم ،،،حتى جاهزهم حق الزوج ورني آيه والذهب الي اشتروه،، في الملكة انا اول وحده قالو لها ،،،انا كنت شاكه بموضوع الزواج مازواج طلع شكي صح ،،،اتذكر وحده من خوات الكبار كان فيه برنامج بالتلفزيون طلعت عشان تابعه قالت فلأنه تتابعين هل البرنامج قالت لا أصلا التلفزيون حدي فيه قبل الزوج ،،،قالت وش دعوه تطوعتي قالت لا بس ماعندي وقت اتابع شغل البيت وولدي غير الغداء والعشاء والكوي والغسيل والتنظيف ماعندي وقت ماصدق أني اخلص ونوم الولد ونام معه
قالت مدري انتو يالمتزوجات الوحده تتزوج وتنشغل علي إِيش مدري كان جلستي بيت اهلك أحسن لك،،،،عاد انا نظرت له نظره استحقار وقامت ولا عاد شفتها الا علي العشاء
من يوم ملكوا تغيرو معي تغير جذري الحين شوفينيا كيف مع بعض اذا انا ماسالت هم يسألون بالواتس
ولا يتصلون،،،من يوم نروح عند ام زوجي كلهم يجتمعون سوالف وضحك ،،،إنتي ماتدرين يمكن نفسيتهم فيها شيء وحنا يالبنات ترى نغار من بعض وبعضها يبينون هل الشيء بتصرفاتهم
إنتي اذا ماتبغين تروحين لا تروحين مانتي مجبورة ترى،،، عامليه بالحسنى انا ماحب اعمل احد بنفس أسلوبه وطريقه ،،،لا بلعكس أعملهم علي حسب نيتي وانا نيتي كله ولدي انا جدانه يشوفنه وينبسطون معه والحمد الله الي يبدل حال الي حال
الحين عندي اربع الله يحفظهم وشوفي كيف طايرني فيهم ،،،مايصدقون متى. نجي
ربي يوفقك،،،ويخلي لك بنتك ترى محد يجبر احد علي شيء هو مايبيه ،،،إنتي لاترحين بس خلي زوجك يودي بنتك لهم من فتره لفترة ،

كثير من البنات قبلي الله يحفظهم ردوا عليك إنك تعامليهم بالحسنى وهذا هو الصحيح
أنت عامليهم معامله حسنة لله ثم لإكرام زوجك وجبر لخاطره مو إكرما لهم و ترا زوجك مقهور
من جواته و من أسلوب تعاملهم معاك والأفضل إذا زرتيهم تكوني مع زوجك عشرين دقيقة تجلسوا معاهم بعدين تمشوا
الله يسخر لك زوجك ويصلح لك بنتك ويحفظهم لك ويحفظك لهم ويبعد عنك المشاكل
الله يسعدك ياقلبي

حتى انا انصحك تعامليهم بالحسنى
تقديراً لزوجك فقط


إذا جاتك أمه عامليها زي امك ضيفيها وسولفي معها حتى لو ماتبيك بس مجامله لزوجك اكيد هو في قلبه ملاحظ بس مايقدر يتكلم هذي أمه


وزوريهم يوم بالأسبوع من العصر للمغرب وتوكل ع الله
إذ طنشوك طنشي أقعدي ع الجوال طقطقي لين يجي زوجك وامشي خليه هو يشوف بنفسه مع الايام
ولاتكلميه اهلك وأهلك ترا بيتضايقك
زيارتك لهم إكراما لزوجك


سوى إلى عليك وووو بس الوجه من الوجهه ابيض
عشان بكره محد يلومك أو يمسك عليك شي

الله يعينك بس بعد ماشفت تقليل الزيارات افضلك ويريح راسك انا ماروح الا بالشهر مره وماطول حدي ساعتين

الرسول صلى الله عليه وسلم كان يزور جاره اليهودي .
وكان يقابل الاساءة بالاحسان وهو افضل الخلق عليه الصلاة وافضل التسليم .
هل نقص من قدرة شيء اهانة الكفار والمشركين له وحتى اقاربة وامرأة أبو لهب والقصص كثير
بالعكس سما ورفع في نفوسنا حبه .


خلي قدوتك رسول الله صلى الله عليه وسلم كل ما جا في نفسك شيء منهم تعوذي من الشيطان
وحطي في بالك ان اهل زوجك اهل عيالك , ملزمة بوصلهم عشان عيالك . وملزمة باقي العمر فيهم
ما تقدرين بكرا تقولين لا ما ابيهم او بغيرهم أو أي شيء ثاني
فـ اسعي انك تكسبينهم او على الاقل م يجي منك شيء شين .
يعني الأم كبيرة في السن و حطي في بالك كبار السن صعبين في المعاملة جدا .
لما تجي تزورك خليك اكرم منها جهزي القهوة و الشاهي ورحبي فيها ولا تسوين مثل ما قالو لك فوق انك تتركينها او انك تشتكين لزوجك
زوجك شايف و ساكت .. النار لما تكون مشتعلة قدامنا و نبي نطفيها ما نزيدها حطب .


قبل تروحين لها اتصلي او ارسلي قبل بيوم . واسأليها هل يناسبكم ؟
واذا رحتي خوذي معك شيء لا تكون ايدك فاضية واختاري شيء تحبه خالتك ام زوجك
وقولي لها عرفت انك تحبينه وجبته لك يا رب يعجبك
كل مره تروحين السوق تذكريها معك بقطعة قماش , بجلابية , بتولة عود عجبتك , ببخور , بـ حلا بسيط , بطقم صحون كاسات
اي شيء مو لازم شيء غالي ومتكلف شيء بسيط والرسول عليه افضل الصلاة و التسليم قال " تهادوا تحابوا"


لما تروحين عندها لا تطولين ساعه ساعتين بالكثير واستاذني اطلعي ..


وتذكـــــــــــــــــــــــــــــــــــــــــــــــــــــــــــــــري ان ما زرعتيه اليوم بتحصدينه بكرا .
لو عاملتيها بـ احسان بكرا حريم عيالك يعاملونك بـ الاحسن
والدنيا دوارة ...