الموقف صعب جدا كيف يجون ضيوف والبيت مافيه شي
لكن الله يرحم والدك ويعز شأنه ما قصر وعزك
زوجك لازم تتفاهمين معه على هذي النقطة

ياربي 😣مرا الموقف صعب اكرام الضيف واجب وين راحت اخلاق العرب وكرمهم
من حقك تكرهيه يقدر يتسلف ويكرم ضيوفه بس مايبغى
جدا الموقف يفشل ابوك يشتري الغداء وزوجك نايم برا
الله يبرد قلبك والله انحرقت وانا مالي شغل

والله لو ني منك اني لا اصور الاغراض اللي جابها ابوك والغداء وارسله وافشله واقوله انت خلك ع حالك يالردي وشف ابوي وش جاب
بس اذا تبين الحقيقه انت بعد عليك لوم قبل مايجون اهلك ليش ماطلبتي منه واتفقتي معه ليش مانسفتيه نسف ليش سكتي ليش ماتسلفتي من احد ولا طلبتي فزعة احد اقلها يوم جوك كان كلمتي اخوان زوجك او اهله وقلتي ابي ذبيحه اهلي مسيرين وماعندي شي اضيفهم ..ياربي عيب يجون مشوار وتعب واخرتها قهوه ناشفه وبدون عشاء
ذكرتيني باخت زوجي للحين حاقده ع زوجها ..رحنا كلنا مسيرين عليهم والمشوار بعيد ابو زوجي وامه وزوجي واخوانه وحريمهم ..واخرتها يوم جيناهم بالليل عشونا دجاج ورز ناشف الحمدلله ع النعمه
ونصبح ومثله ويوم جاء العصر ويجيب زوجي عصاير ومعلبات وخبز ..تكميلات للبيت ..وبالليل بعد عشانا زوجي لكن هو معنا وعادي عنده ..بعض الرجال اشك ان عنده دم واحساس بليييييد لابعد حد .

هو مقصر وغلطان بس لاتكبرين الموضوع. مفروض يعبي ثلاجتك لكم انتم
ليش فاضيه حتى تمر مافي ولالوازم حلى. ولادجاج او لحم او ورز !!
وكونه مانام معهم عادي خليهم ياخذو راحتهم
وانتي واهلك عايله وحده الفشيله عليه هو موانتي
طنشيه والمواقف تبين معدن الناس

ولله انحرجت وانا مالي دخل حسيت بموقفك واحراجك من أهلك بس زوجك موقفه يدل ان ماعنده شيمة معليش بس مهما كان حتى اللي مايحصل يستلف عشان يتجمل من ضيوفه وزوجك ولاحرك ساكن.. مدري وش السبب انه ماحس بالفشيلة يكون متعمد عشان اهلك يقضون لك ولا يصارفونك... عموما مانبغى نزيد ك على زوجك لكن اجلسي معاه وخليه ماينسى هذا اليوم.. وإنت بعد ماتصرفت صح مع اهلك كان قبلها وعندك خبر بجيتهم انك تصرين عليه يقضي للبيت.. أو تتسلفين وتوجبين اهلك بعدها تناقشي مع زوجك في هذا الموضوع... حتى لو يعطيك جزء من راتبه لوقت الأزمات... ومايمنع بعد وانت جالسة مع ابوك وزوجك تدقينه بالكلام وتشكرين ابوك عالاغراض وشوفي وش ردة فعل زوجك..