حصنوا أولادكم وشوفوا وش بغى يصير لبنتي البارح

اول شي<<<الحمد لله والشكر لله اللي سلم بنتي البارح

بدون مقدمات

البارح كنت اسوي العشا وابو الشباب مشتهي بطاطس ورحت اقلي الا بنتي الله يصلحها عمرها سنه وشهر وتمشي الله يحفضها
ماتحبني اغيب عن عيونها لازم تراقبني وين مااروح
طبعا كل ماتدخل علي المطبخ ارجع اوديها عند ابوها تقعد شوي وترجع وارجعها مره ثانيه

مااقدر اسكر باب المطبخ لانها بتسوي مناحه وقلق

طبعا حطيت البطاطس عالزيت وفتحت الثلاجه الا بنتي دخلت وماانتبهت وفي طريقها أخذت المكنسه الخشب

ومتجهه نحو الفرن
ولما التفت الا اشوف المقلاه تتحرك يمين وشمال بنتي حطت العصايه حقت المكنسه بيد المقلاه وتلعب

ااااااااااااه يابنات بغيت انجن وانا اقول ياساتر ياساتر وقاعد ارتجف ركبي صارت تعورني
تخيلت المنظر اللي بيصير الزيت حامي مرررررررره لو طاح كان طاح فوق راسها بس ربي سلم
شلت بنتي ورحت عند ابوها اقوله السالفه وعيني دموع واحمد الله واشكره ان الموقف مر بسلام

تذكرت اني استودعتها وحصنتها المغرب



تكفون حصنوا اولادكم وربي يحفظهم من كل مكروه:(









لااله الا الله محمد رسول الله
اللهم صل وسلم على نبينا محمد