حضانة اطفال منزليه متكامله

الملتقى العام

حبيباتي بنات عالم حواء حبيت تشاركوني بموضوع مشغل تفكيري كثير انا هنا في بلاد الغربه درست وتعلمت واردت ان اطبق ذلك على ارض الواقع وهي فكره تراودني بقوه وارجو من المشرفات عدم حذف الموضوع او اغلاقه فضلا لا امرا هنا في فرنسا الناس تعمل في بيوتها وهذا الشي خلاني اتحمس حيل تخيلو الحضانات المنزليه وتاخذين عقب عليها تقاعد من الدوله بصراحه هم متقدمين علينا في هالامور كثير المهم ياطويلات العمر انا فكرت اني لمن ارجع اطبق اللي درسته في بيتي واطبق بعض افكار الغرب المفيده والعمليه في بيتي واسبابي كثير منها اني مااحب اقعد عواطليه خخخخخخخخخخخ والسبب الثاني مالي بنظام الدوام وزحمة الرياض وبصراحه انا ولله الحمد مرتاحه ماديا زوجي طبيب وماشاء الله راتبه كبير ولكن سبحان الله ودي بشغله يكون لي مدخول منها احس بطعمه مهما كان وانا احب الاطفال ففكرت اني اسوي حضانه منزليه منظمه بحيث انه مايزيد عدد الاطفال فيها عن عشره اطفال وتكون حضانه فيها كل الضمانات اللازمه بحول الله ببيني وبين اهل الطفل اللي يجيني وانا ولله الحمد اعرف اني اهل للامانه ومحبه للاطفال فكرت اني اطبع كروتي واعطيها المدرسات اللي اعرفهم ويعرفوني من صديقاتي بحيث لو الام مدرسه او جايه عن طرف هالشخص اللي يعرفني تطمن على طفلها وفكرت اني اوزع كروت في الاسواق طبعا بتكون الحضانه اما ببالساعه او بالشهر فان كانت بالساعه الساعه بعشره ريال وقت الدوام ووبخمسة عشر ريال خارج وقت الدوام وان كانت بالشهر لوقت الدوام بالف ريال عاد انا ابي منكم التصويت والاقتراحات وهل هالمشروع موجود بالسعوديه او لا وكيف الاقبال عليه واتمنى كل وحده عندها ملاحظه تعطيني ماعندها وانا اتقبل بصدر رحب لاني راجعه بهالصيف وناويه اني ابدا في مشروعي مباشره عسى ربي يكتب لنا اللي فيه الخير ولا تنسو الشكر واتمنى كل وحده تدخل تعطي رايها او ترفع الموضوع بدعوه حلوه
411
20K

يلزم عليك تسجيل الدخول أولًا لكتابة تعليق.

تسجيل دخول

الأميرة جولي
الأميرة جولي
فكرة كويسة بس من بيدعم !!

لابد تاخذي تصريح يا عزيزتي
عشان يكون نظامي ومايصير عليك مشاكل
ويارب يعطيك الى فيه خير
:)

" اللّهُمَّ ، إِنًّى أَعُوذُ بِكَ مِنْ زَوَالِ نِعْمَتِكً ، وَتَحَوُّلِ عَافِيَتَكَ ، وَفُجَاءَةِ نَقْمَتِكَ ، وَجَمِيعِ سَخَطِكَ ".

سبحان الله

الحمدلله
لا اله الا الله
سبحان الله وبحمده
سبحان الله العظيم

لاحول ولاقوة الابالله
استغفرالله العظيم
ان اردتي تحقيق الى تتمنيه بإذن الله
http://forum.hawaaworld.com/showthread.php?t=2334581
نجد دياري 100
نجد دياري 100
فكره ممتازه وفيه تجربه وحده من البنات في المنتدى اذكر
حبيبت قلب برهومي
انا اشجعك وبقوة حبيبتي
ابدئي ع طوووول
اقتراحات : وفري المراجيح والعاب تنمي الذكاء وفري اجواء مريحة وبنفس الوقت علميهم اشياء مفيده في سنهم مثل اناشي انجليزية او اي شي يكون مفيد وممتع بنفس الوقت
الله يوفقك يارب
ابداع فني
ابداع فني
انا بعد هنا في ايرلندا عندنا هالحركة الرهيبة وفكرت اسويها بعد نرجع ان شاء الله بس على ما اعتقد اول شي التصريح او الموافقة من الحكومة على المشروع و بعدين هل حتشتغلي لوحدك ولا معاك عاملة لان كذا بتحتاجي تصريح للعمال وما ادري شو بعد والاسعار اللي حطيتيها مناسبة بس هل الاكل للاطفال منك ولا من الاهل اذا منك لازم السعر يزيد ولازم تعرفين هل الاطفال في شي معين يسبب لهم حساسية والذي منه من الاسئلة يللا انا سويت قرقر واااجد اذا اتشجعتي و سويتيه عطيني خبر و قوليلي شو الصعاب اللي واجهتك يللا بالتوفيق
فازلين معطر
فازلين معطر
مايحتاج تصريح ياقلبي طالما انك تسويه ببيتك
بس اهم شي يكون عندك احد يساعدك
لأن الاطفال يغلبوا
وربي يوفقك ويبارك لك بمشروعك