حضانة الاطفال

والله اللي اعرفه انه حتى لو ماتزوجتي طليقك مو مجبور يصرف عليكي .... اوك يصرف على العيال بس على الحرمه لا..



وبالنسبه للحضانه والله ماعرف المفترض واللي نعرفه الحضانه لكي طبعا ... لكن بصراحه المحاكم مادري كيف صايره

وفيه عوايل كثيره تترك العيال مع الام بدون محاكم وشوشره يعني ماتهتم لمين الحضانة ...


والله يكتبلك اللي فيه الخير يارب

اذا طلقك ماراح يصرف عليك معروفه ذي وعيالك كبار يخيرونهم بينك وبين ابوهم هاذا الي اعرفه مادري اذا به نظام جديد مابعرف

حبيبتي الاطفال بعد السابعة بيخيروهم بين الام والأب ..
والنفقة طالبي بنفقتهم وبالنسبة انه ينفق عليك مالك نفقة بعد الطلاق


ربي ييسر أمرك

ماعندي علم اكيد بخصوص الحضانه ولا النفقه

لكن اللي بقوله لك اتمنى تفكرين فيه مليون مره بقلبك وعقلك وروحك قبل تتخذين أي قرار

الطلاق اجعليه اخر الحلول خاصة اذا كان نتيجة هذا الزواج اطفال بينهم مراهقين كذا صارت مصلحتهم مقدمه على أي مصلحه او أنانيه بداخلكم

لان الطلاق لا يعني انفصال الام والاب عن بعض فقط ، بل هو انفصال الاطفال عن أمهم وابوهم
الطلاق كسر وحرمان للاطفال من بيت يسكنونه وأسره تجمعهم واستقرار نفسي وعاطفي ومادي وامان اعتادو عليه

اجلسي بينك وبين نفسك وتخيلي انك حصلتي على الطلاق ، ماذا بعد الطلاق ؟

وين تسكنون ومع مين وفي أي غرفه وكيف راح تقضون ايامكم وشهوركم وسنينكم ؟ كيف راح تأكلينهم وتشربينهم ؟

كيف راح توفرين لهم طلباتهم وتعوضينهم النقص والانكسار اللي راح يعيشونه وكيف راح يتقبلون الواقع اللي بتحطينهم فيه

اطفالك كيف راح يكون وضعهم نفسياً ومادياً ودراسياً وصحياً ؟

اذا كان الطلاق بسبب خلافات او مشاكل ابحثي عن حلول لها لا تستعجلين بطلب الطلاق لان الطلاق ماراح يريحك ويحل مشاكلك هو مجرد تخدير موضعي وراحه مؤقته تصحين منها بعدين على واقع ومسؤليه كبيره على عاتقك .

اذا مافي سبب قوي للطلاق اتمنى تراجعين نفسك

لان حتى اطفالك بعد كم سنه راح يكبرون ويشوفون حياتهم وحتى لو كانت الحضانه لك ممكن ما يرتاحون ويختارون ابوهم لانه بيكون موفر لهم جو مريح

للاسف بعض العوائل بعد الطلاق تكون البنت واطفالها مثل الخدم عند اهاليهم ومحد يتقبلهم وتصير بينهم حزازيات والوضع يكون متوتر والنتيجه الاولاد يهربون للشارع او بيت ابوهم

الله يشرح صدرك وييسر امرك ويكتب لك الخير

نفقة لعيالو ايوا بس انتي ينفق عليكي ليش استغفر الله بس