السلام عليكم شوفي الرابط يمكن يفيدكhttp://forum.hawaaworld.com/showthread.php?t=424235&highlight=%CD%D6%C7%E4%E5

وعليكم السلام...

موجود ومليان بعد...الحين معظم المدارس الاهليه فاتحه حضانات خاصه...
وتقبل اطفال من شهرين بعد..

بس حددي وين موقعك علشان اقدر اقترح عليك كم حضانه

بالنسبه لي كنت احط عيالي برياض اطفال جامعة الملك سعود بالدرعيه (شمال الرياض)
الترم بـــ2500 تقريبا

جزاكم الله خير على الرد....

اخت جريشة...اول شي اسمك هبل بي...انا اموت في الجريش ...والحين لي 5 سنين في امريكا الله لا يبلاك...والجريش اللي ارسلوه اهلي لي خلص...وطاقتي الشهوه :)

الله يعافيك على المعلومة....انا في الواقع رح ادرس في جامعة الملك سعود ان شاء الله بعد ما اخلص هالدكتوراة الله يخلصها على خير...
وحضانة تابعة للجامعة والله حلوة...بس 2500 للطفل الواحد للترم والله كثير؟ ما عندهم شي خاص لاعضاء هيئة التدريس ؟ ولا بيقولون هذولي فلوسهم واجد ؟ :)
انا الحين في امريكا وراجعة بإذن الله على الصيف ان ربي يسرها.
اذا فيه احد ارخص من كذا ياليت تخبريني وجزاكم الله الف خير.

هلا والله اختي...
ان شاء الله يارب تتخرجين باسرع بوقت...وترجعين واهلتس يسوون لتس عزيمة ويحطون جريش وكثير بعد..ويبقى..وتاخذينه معتس للبيت (غداكم بكرا-مايحتاج تطبخين)<<<----اقصى طموحي...

بالنسبه لرياض الجامعه له 3 فروع الملز والدرعيه وعليشه
لمنسوبي الجامعة لمين الساعه12 (2250) ريال
لمنسوبي الجامعه لمين الساعه 2 (2750) ريال<<-----ذا اللي كانوا يشفطونه مني كل ترم (وجه يتحسر على قروشه)

لغير المنسوبين
المين 12 (2750)
لمين 2 (3250) بالترم يعني
والاخوان لهم خصم 10%

(ودتس رياض الجامعه تعطين نسبة على هالدعايه والتحمس ولا كني مديرتهم)


صح شوي غالين بس ترتاحين نفسيا..
شي على مستوى راقي جدا بالنسبه للتمهيدي..
والمواليد كل واحد له سرير خاص به...وكرسي اكل خاص به...وغرفة تلفزيون...وغرفة اكل...وغرف نوم كثيره على حسب عدد الحاضنات.. وكور<<<اهم شي هههههههههههه
وكل حاضنه لها 4 اطفال
ويطلعونهم للمراجيح يتشمسون وهم صغيرين - يعني موب مثل حركات اللي يفطنون لبزرانتس بس يصكون عليهم بغرفه والسلام..
(لا الصراحه انا شكيت بروحي اني صرت اشتغل عندهم على هالدعايه)



اي استفسار اخر انا حاضرة

جزاك الله خير يا جريشة علىالمعلومات ....انا اخذ معي لبكرة من الجريش ...الله على ذيك الايام ....يا زينها ...كلن ينكب له في قدر ومن بكره الغداء جاهز خصوصا اذا حمرت امي اللحم في الفرن :)
الله ياخذ ( بوش) اللي حرمنا من الجريش :) ومن اهلي :) خمس سنين عجاف :(
اللي توصفينه عن الحضانة مثل اللي اشوفه هنا بأمريكا تمام ...والله ممتاز...بس غاليه بصراحة ...يعني اختك الحلوة اللي هي انا عندها ( حاليا) 3 اطفال تحت 4 سنوات ...ربي يخليهم ويعافيهم ويبارك فيهم..على كذا بادفع الراتب كله لهم واتسلف فوقه :)

المشكله ان دوامي في الكلية بيكون لين الساعة 5 المغرب...هذا نظام الكلية عندنا الله يهديهم ...يعني الظاهر انها ما تناسب لهم اذا دوامهم بس للساعة 2 !!
ربي يجزاك خير على المعلومات والله ما قصرتي ...ربي يعافيك ويخلي لك اولادك ويصلحهم.