حضانة بنتي ؟ تعالو

مساء الخير على الجميع .. بعد قراءة ردُودكم تعوذت من ابليس ووقفت بكل وجه جاء قدامي
ولكل وحده ظنت فيني اني ما ابي بنتي اقولها
( حسبي الله ونعم الوكيل فيك ) .. ، اولاً ٩٠ الف مره اقولكم عمري ٢١ سنة يعني توني صغيره طبيعي ما اميز وش الشيء الاحسن للموضوع .. ومافيه احد مايحب عياله فيه قلوب قاسيه اي صح ، لكن انا مو ناقصني شيء الحمدلله لا فلوس ولا اي شيء ..
انا كل المسأله حيره وش الاحسن لبنتي مو لي انا
بعضهم يحسبوني كل هذا عشان منهبله ابي اتزوج الله يخلف عليكم 😂 !! ..
خلوا تفكيركم ارقـى من الرجل والخرابيط ذي👏🏻 ..
انا ماهمني الولد بعد كل شيء صار ٩٩ الف مره ارجع واروح ترا وكللله عشان هالبنت واكل حبوب حمل عشان ما اخلف ثانيه لأني دايم احب اشوف نهاية الشخص او نهاية الامر هل بينجح او لا ..
والحمدلله على كل حال ،
انا ادور الحل السليم واشاوركم وانا قسم بالله بيوم سألتكم محتاره جداً بالموضوع ومتلخبطة كثير ..
لكن الحين قررت قرار ولحد يلومني ابدا .. انا صغيره سن و اول تجربة انفصال وطبيعي احتار بالبداية كنت اقول بقرييييح اهم شيء بنتي بس بعد كلام امي وزنها علي انه خليهم يشقون ومن هالكلام جيت استشيركم فقط !! ..
والحين قررت الحمدلله وشكراً لكل عضوه نصحتني نصيحة اخت واللي قلت ادبها وتحسبني مابي بنتي الله ياخذ حقي منك عاجلاً غير آجل ✋🏻 والوحده تحسب حساب الكلمة قبل ماتطلعها ..
اي وحده منفصله تعلمني وش اسوي بالضبط ؟ ..
انا قلت لابوها ابي البنت عندي انا .. وللحين مارد
لكن لو رد بالنفي وش ممكن يصير انا بخليها عندي حتى لو ابوها مايبي كيف اخليها ؟
علماً ان عمر بنتي سنتين ..
وكيف افرض مبلغ للبنت شهرياً ؟
وكيف اخليها معي ف ابشر عشان لو بسافر او اي شي؟
وكيف لو رفض اجبره على الحضانه ؟
كيف احتويتوا اطفالكم بدون اباء ؟
ومامدى صعوبة الامر التربية لحالكم ؟

ووش اقول للشيخ بالضبط وشكراً مقدما
بنات اي شيء ماسألتكم فيه ذكروني فيه لان ما اعرف بهالأمور الله يسعدكم سعادة تبكون منها يارب