انا اللي شفته الفتره الاخيره ان القاعه كلها ابيض
ستاير كامل للقاعه ابيض وممر العروس ابيض ومقابله من الجهتين كنبات بيضاء وقدامها طاولات عليها ورد سكري ومناديل
واللي في الخلف من الجهتين كراسي مغلفة بابيض
الشوكولاته والفطاير من محلات الثلاثين 00والزواج هادي ومرتب
هذا اللي اتذكره اللحين ..
الصفحة الأخيرة
الي ازعجني يوم الزواج
اني اتفقت مع واحدة مغربية اسمها مليكة للشعر وحكيمة للمكياج وقلت لها العروس وانا واحده ثانية يوم وصلت القاعة قالت دبري لي خمس غير العروس والا بمشي وفعلا اتصلت بزوجها واسعارها نار مين بيقبل انه يتمكيج عندها الساعة 6 المغرب وين اروح بالعروس طلبت من خواتي انهم يكملون العدد علشان ترضى تشتغل والله شغلهم مو ذاك الزود بس والله اني اقول حسبي الله ونعم الوكيل فيهم اخذو على الواحده فينى 850 والعروس 3400 وهي كانت قايله العروس بس 2500 نصيحة احذروها ماحب اقطع رزق احد بس احذركم منها وحسبي الله ونعم الوكيل فيها تشوف يوم مثل الي ورتني اياه عمري ماترجيت احد بس غصب تحملتها من وين اجيب للعروس كوافير المغرب فالحذر منها
بالنسبة للتقديمات
سويت كوب كيك عند الجوري سويت 400 حبة بريال 1000 بس طعم لذيذ وشغل بضمير الجوري شغلها روعة ويواجه لها صفحة على الفيس بوك وسويت حلى كاسات عند واحدة اسمها حلاحلا على الفيس بوك روعة شغلها وطعم لذيذ واخذت من عندها شيز كيك في ملاعق صغار البنات الله يسعدهم نافسو المحلات طعم وجودة واسعار وسويت موالح ورق عنب وكبة ومعجنات فرنسية عند اكار واخذت من عنده 10 كيلو شوكلاتة التنسيق وتاجير الصواني وحلى وموالح الطاولات كان كله اتفاقيات الطوق الماسي ماقصرت انا جالسة في بيتي وهي تروح وتصور وترسل لي واختار ماحتجت احوس بالشوارع ولا ادخل محلات الحمدالله كل شي كان تمام واجر فلبينيات ولبستهم زي موحد وخلتهم مثل المكوك مايجلسون كان يوم الحفل عيوني الي اشوف فيها والله يشهد على كل كلمة اقولها لكم بس مثل ماتعبت ماحبيت تتعبون البنت تعرف كل محلات الرياض ومن الغالي ومن الرخيص ومن الجيد ومن الشين الله يرضا عليها ويوفقها ويوسع رزقها الكل يتصل علي بعد الزواج ويثني على كل التفاصيل الحمدالله رب العالمين