حضرت تغسيل جنازة احدى قريباتي .. والان انا تعبانه نفسيا ..

السلام عليكم ورحمة الله وبركاته

توفت احدى قريباتي رحمها الله وشاء الله ان احضر تغسيلها بعد ما طلبت امي ان ادخل معاهم
والله كاان موقف عظيم لا اعلم كيف اتحملت وقفت معاها حتى اكملو تغسيلها وتكفينها وانا الى الان ما ادري كيف دخلت الى مغسلة الموتى ..والله اغمض عيني وكاني في حلم ..اسال الله ان يرحمنا ...
والان مضى على وفاتها شهر والى الان وانا تعباانه انقلبت حياتي الى خوف وهلع ورعب
بداخلي غصه مو قادره اعيش حياتي تفكيري منحصر على الموت والقبر
صرت اخاف من الظلام اخاف اروح لوحدي اتكلم وتفكيري بوادي ثاني
اطلع اتمشى مع عيالي وبداخلي غصه
والله اصلي وادعي واصلي الوتر بديت احفظ القران ولله الحمد \بس تعباااااااااااااااااااااااااانه يارب رحمتك
جسمي كله يوجعني راسي مصدع جسمي مهدود ويزداد خوفي وهمومي ادا اقبل الليل :icon33:
مين اللي مرت هالمرحله وتخطتها تكفوووون ادعو لي اجاااوز هالمرحله
لا تقلون روحي دكتور لان راح يعطيني حبوب تسطلني وانا ما ابغى اوصل لهدي المرحله

ويمكن كمان اللي زاد همي والمي بعض المعزياات لو جلسو في بيوتهن ابرك لهن
اللي جايه بمكياج واللي جايه تطق حنك واللي جايه بنطلون وتضحك واللي يحز بالنفس يعزمون على زوجات عيالهم ما احترمو حرمة البيت :44: ولا اهل الميت
معقول صاار الموت عادي وين العضه والعبره منه
وينهم عن (وكفى بالموت واعظا )

ياحنان يامنان ياواسع الغفران اغفر لها وارحمها وعافه واعف عنها واكرم نزلهاووسع مدخلها وأغسلها بالماء والثلج والبرد ونقها من الذنوب كما تنقي الثوب الابيض من الدنس ..

:44:

لكل وحده مرت هنا اقول لها جزاك الله خير ورفع الله من قدرك ولكل وحده فقدت عزيز عليها اقول عظم الله اجرك ورحم الله ميتكم وجبر الله مصاابكم
اعتدر ادا مااقدرت ارد على كل وحده استسمحكم عدرا ..