حضـــرت عنــدي موجهــه وقهرتنـــي,,تعالــوا شوفــوا وش قالـــت؟؟

السلام عليكم
أخباركم؟؟
أتمنى تكونوا بصحه وعافيه..أنا معلمة علوم..
اليوم حضرت عندي الموجهه وماكان عندي الا حصتين الاولى والثانيه..ومعها موجهه للعربي..
الاولى كانت تقويم والثانيه مخلصه المنهج لان التحفيظ المقرر عليهم قليل..
جاتني المديره وانا في ال*** الاولى وكانت الساعه8 وانا اصلا دخلت8 الاربع..
لاننا تأخرنا بالطريق بسبب الاجواء والضباب رغم اننا طالعين بعد صلاة الفجر مباشره..
لان المدرسه في قريه بعيده..
المهم أعطيت المديره الكلام وقلت خليني لما أطلع أتفاهم معها..
طلعت ورحت لها في الاداره وبلغتها وقلت شوفي جدول الحصص تعالي يوم ثاني,,قالت طيب ضروري أدخل أنا جايه من مسافه..
طبعا تتكلم عن منطقه في نفس القطاع قلت حتى انا جايه من المدينه الفلانيه عشان حصتين وحده تقييم والثانيه مخلصه معهم..
اللي حصل أني أخذت *** من معلمه ودخلتها..
شوفوا وش قالت:
1-ليه ماأستخدمتي التعليم التعاوني؟
2-ليه ماأستخدمتي وسائل تعليميه في الدرس؟
3-ليه ماكتبتي في ملف الانجار أي وسيله تعليميه؟
4-ليه ماوديتيهم المختبر وأنا رحت شفته ماهو منظم ولانظيف؟؟
رديت عليها وقلت:
1-طريقة التعليم التعاوني ماتخلي البنات ينضبطون في الفصل غير كذا يعتمدون على طالبه معينه وينقلون منها,وحتى الاداره نفسها ابدلت الطاولات الدائريه بالطاولات المستطيله القديمه..
2-كيف أستخدم وسيله وأنا أصلا ماعندي درس وحتى الفصل اللي دخلتك عليه ماعندهم الماده اليوم..
3-كيف أكتب في الملف وسيله وأنا ماأستخدمت,,أكذب..
4-المختبر مخليينه مثل المستودع ومافيه ألا دوارق وطاولات قديمه ودولاب فيه كتب عباره عن مكتبه,,وطالبت الاداره بالميزانيه قالت تراها ضعيفه وأعطتني المديره100ريال بالله هذي وش تسوي؟؟تطالبني بأشياء المفروض هم يوفرونها
أشتريت 8لوحات ب40 ريال..وبلغت المديره يشيلون دولاب الكتب..ولا شالوه..وفيه أكياس فيها تقريبا ملابس ماعرف حق ايش,,وفيه منشار وشاكوش ومعدات حق بناء..
ورحت أشوف المجسمات أسعارها غاليه صعب علي لاني في غربه ومحتاجه المبلغ اللي بصرفه وغير كذا أنا منتدبه من مدرسه ثانيه ماني ثابته تبي مجهودي يضيع هباء منثورا..
قمت من القهر..
قلت طيب:
*تعرفين أنك قلتي عن المهارات اللي أشتريتها من المكتبه تراها غير نظام نور طيب أنا أجتهدت لانكم تأخرتوا..
*تعرفين أني أعطي سنه خامس على دليل معلم حق العام ومن أسبوع جبتوا الجديد وش الفايده حتى أني أذكر أمثله والبنات يستغربون لان الامثله اللي عندهم غير اللي عندي..
*تعرفين أني مشيت مع سادس تحفيظ كل الدروس لاني ماعندي المواضيع المحذوفه عنهم وبحثت بالنت ولالقيت..
ومع ذلك ابراء للذمه خفت أحذف أي درس ويكون معهم..
الزبده:
كل توجيهاتها نقد في نقد..يأمرون بالمعروف وينسون أنفسهم..
ولاجابت سيره عن شرحي للدرس عن طريقة تمهيدي وربطي بالواقع وأستشهادي بأهداف وجدانيه وأشراك جميع الطالبات حتى الضعيفات..
ولاقدرت أني دخلتها من غير تحضير وفي فصل ماعليهم الماده وأنا أحترمت حضورها وقدرت العناء في جيتها..
رغم ان المديره سبق حضرت عندي قبل اجازة العيد ومدحت شرحي وطريقتي في العرض واشراك الطالبات وتشجيعهم..
وكان ملحوظ الفرق في التعامل بينها وبين موجهة العربي كانت بشوشه وتقول عبارات ياليت لو تفعلين كذا..حبذا لو تستخدمين كذا..حاولي أنك تسوين كذا والاسلوب راقي..
هذي لا أسلوب ولاعبارات تشجيعيه نهائي..
وتكلمت بعد خروجها مع المديره قالت هي شديده وتعاملها جاف شوي..
قلت حتى وان يكن بصراحه قهرتني..
عندي سؤال هل فعلا الموجهه مابيدها شي وكل الدرجات عند المديره؟؟
في النهايه دعواتي لكل المغتربات بأن نبشر بالنقل في اخر هذا الشهر,,ويتمم على معلمات اهل المنطقه الاستقرار