حطتها فيني

السلام
والله مصدومة من ابن اختي واختي
ابوه من اخذه ماجابه زيارة عند اختي
اختي كلمتني قالت هذا رقم جوال ابوه ارسلي رسالة يجيب ابني زيارة بيت اهلي وانا اشوفه
قلت لا واحد من اخواننا يكلمه قالت ما احب اكلمهم انتي بس سوي رسالة انا مسوي بلوك
سويتها
اليوم امي قالت تعالي اختك عندي وانتي تعالي الصباح مافي شي اقعدي شوي وروحي
كلمت زوجي الصباح نروح ساعتين زيارة بس عند امي لي فترة من الحظر مازرتها والولد
جابه اليوم الصباح وتشاكل مع ولد خاله امه عصبت عليه قالتله الله يلعنك ويلعن ابوك ومثل كل مرة تسبه وتسب ابوه
قام وقالها ما اسمحلك تتكلمي عن ابوي وهي ضربته
انا فرقت بينهم
اقولها تحطي عقلك بعقله ياغبية وليه تسبيه كذا هذا ضحية افهمي ابوه يحرضه انتي دورك تستوعبيه مو تنبذيه اكثر بكرى يكبر ويسحب عليكي
وهي تقولي جهنم تحرقه وتحرق ابوه
ابوه خبيث استغل الشرخ لي بينه وبين امه لما كان عندها ولما اخذه صار يحرضه ويلعب بعقله على امه لأنه يكرهها
كل ما فرقت بينهم تقولي ما أبغاه هذا ابن ابوه حقير مثل ابوه بيكون وجهنم تنتظره لأني غضبانة عليه
والغضب مايشمل طفل توه بالغ
وتمت تطرده برا حتى طلعته برا البيت
الولد امه تكرهه تعرفون في بعض الحريم اذا تكره زوجها تكره عيالها بعد واختي من صنفهم
طلعته برا البيت وصار يبكي بعدين طلع اخوي اخذه ودخله عنده وصار يكلمه ودخل علينا اخوي عصب بوجهي وقالي اعقبي من وجهي انقلعي بيتك ليه جاية بهذا الوقت عندنا انتي واختك هذي ماتدخلون هذا البيت من تدخلون المشكلة تطلع من تحت الارض
وحدة مع زوجها
والثانية حاطة عقلها بعقل طفل عشانها تكره ابوه انتو يبغالكم تكسير راس وتربية من جديد والله لو ابوي عايش لاكان حرقكم حرق
اختي صارت تعصب شال البرتقالة وصفقها بوجهها بقوة وقعد يصرخ بوجهها وقالها بيدي على وجهك اشيل عيونك وانا اليوم بكلم ابوه بقوله لاتجيبه عندنا وهذا كلام امه خليه عايش معك امه ماتبغاه ولا اشوفك تبكي وتقولي محرومة من ولدي لأنك ماتبغيه ايش العاق انتي الطاغية عليه انتي لي يوم كان عندك تسبيه طول الوقت وتحطين كل شي فيه اختي قالت مو انا لي قلت يزورني اختك يعني انا
حطتها فيني
بعدين طالع فيني قالي الله ياخذك انتي ويريح البشرية من امثالك وين مارحتي وين ماجيتي المشاكل كلها تجي معك مادخلتي بيت مادخلتي محل الا ودخلتي المشاكل عليه البيت كان هادي دخلتي انتي قامت المشاكل والله انتي الميت تسوي له جلطة اخ بس والله مشتهي اشيلك وارميكي من الدرج هذا واقولك الله لايشيل عن قلبك
انا ماقصرت فيه وهو سكت وكنت بضربه بعد
والله انا مالي ذنب بشي معهم طلعت من البيت ورجعت بيتي
اختي عصبت على ولدها وهو عطاها هذي الكلمة وهي تصرخ عليه صوتها قوي تسمع البيت كله انا ذنبي ايش واخوي مطنقر بالحظر طلع حرته فينا وهي حطتها فيني
كلمتها تقولي ماني رايقة لك معصبة من امس واليوم معصبة اكثر وتقولي والله ندمت على الولد ماله دخل
قلتلها لا تكلميني ولا تقربي مني خلاص
والله سببو اكتئاب لي بمشاكلهم