حطته ببالي بعد طلاقي وطلاقه الله يسامحها 😔💔 عمري 33 ولا احد حولي 💔

السلام عليكم ورحمه الله وبركاته
عيدكم مبارك وكل عام وانتم بخير
اول مشاركه لي ومتاكده انكم بتعطوني حل ضايقه فيني الوسيعه وماكنت اعرف ان المنتدى شغال الا لمن دخلته وشفت تفاعلكم مع بعض
باقول اخواتي وانتم اعتبروني اختكم الا يمكن هالشي ماقلته لاقرب قريب ولا احد يعرف مشاعري تجاه هذا الموضوع الكل يشوفني مبسوطه اوك خلوها
مشكلتي بدت من طلاقي عام ١٤٣١تطلقت وانا صغيره كنت مافهم شي بالحياه اول عريس وافقت عليه عشان اسافر واطلع نظرتي سطحيه خلتني اوافق على شخص سيئ لكن سمعت انه يحب يسافر ووافقت وعرفت بعدها اني غلطانه صار شخص مروج مخدرات وراعي بنات لكن بلحظه عقلانيه سحبت نفسي من الزواج بدون مانجب الحمدلله
المشكله بعد طلاقي جتني وحده من قرايبنا من بعيد وكنا بتمايم وقالت لي ترى فيه واحد من عيال اختي هو مطلق بدون اطفال ويبي وحده مثله مطلقه بدون اطفال وانا رشحتك له لاني اعرف سيب طلاقك واعرف اخلاقك
تخيلو والله يابنات ان هذا الانسان ماعرفه ولاقد سمعت باخلاقه حتى شكليا ماعرفه هو يصير مره مره بعيد يقرب لامي
اشتغل فيني الفضول اعرف هذا الشخص وجمعت كل المعلومات عنه
عرفت انه مطلق زوجته بالثلاث وهنا تحمست اعرف كثير عنه صارت سيرته تجيني بدون مادورها طبعا اللي يحكون بالكلام ناس ماهم محارم له بس يعرفونه مرره
واعجبني كلامهم عنه وتعلقت فكريا فيه كل شي رسمته معه كيف بنكون حياه واذ جاني اطفال وش ممكن اسميهم خلاص ماتخيل نفسي اتزوج غيره خصوصا انه مثلي بالضبط طلاقه بدون رجعه
بس انا سنوات طلاقي ال ١٠ يجوني ناس مناسبين بس كنت ارفض لاني كنت ادرس بعد مانخرجت اغلب اللي يجوني معددين
يوم حطيت هالشخص ببالي كل اللي يجوني ماهم معددين وبس الا سيئين مرره
صرت انتظره لي سنتنين من قالت البنت هذيك الكلمه يابنات والله احس الانسان هذا هو نصيبي
تتوقعون يجيني او انا باحلام اليقظه قلببي يابنان يقول بيجي لدرجه احس قريب قريب بيتقدم لي بس ينتظر تخلص قروض زواجه الاولى لانه هو قريب مطلق
علما باني انا ماني صغيره عمري 33 💔
عمري ماهو عمر مراهقه لكن انتم اكثر مني خبره وفيكم الخير لعل نصيحه من القلب من وحده منكم تغير تفكيري ومجرى حياتي لاني رابطه سعادتي بالزواج عندي كل شي ابيه لكن انتظر هذا الشخص والزواج منه كيف اتاكد ان هالشخص يبيني او لا !!
لان فيه وحده تعرفهم يعني هي اقرب وحده لي بس ماتجرا ابدا افتح معها مواضيع كذا بس تعرف عنهم كثير
اعطوني نصايح لو قاسيه
والله يريح كل وحده ترد علي من كل هم وضيق ويجعلها من فرح الى فرح ومن سعاده بسعاده 🙏❤️