حطمني زوجي

ياخوات انا اول مره اكتب لكم وابغاكم تقرون مشكلتي وتساعدوني واللي مرت بمشكله مثل مشكلتي تقول وش سوت
المشكله انا تزوجت من 16 سنه من اول ايام الزواج وزوجي بس متضايق وطول الوقت يقول لي انت موحلوه وشكلك مو حلو ومرت ايام صعبه كلها ضيقه ونكد وصبرت واحتسبت لله وحاولت اقرب له واصيرله مثل الصديق والأم والاخت وهوغالبا مايتذمر من حياته المهم مرت الأيام وجبت اولادي وبدات الأمور لحد ما تستقر وفجأه تغير وبدا يقول انه عنده رغبه يتزوج مره ثانيه وانه محتاج للزواج والشهاده لله زوجي اخلاقه عاليه يعني موراعي سفر وحرام والعياذ بالله سكت ومااعترضت وتزوج قبل حوالي ثلاث سنوات من زواجه هجرني بالفراش ليه ماادري مايكون فيه ممارسه طبيعه رغم اني احاول اني اجدد في نفسي واتقرب له وسالت ليه قال كذا اريح لي الممارسه تتم بيده المهم ماقدرت اتكلم في الموضوع مره ثانيه مرت ايام وطلق زوجته الثانيه واستمر الوضع المهم قبل فتره بسيطه تفاجأت انه يقول لي انه ماعنده اي رغبه فيني ولايحس اني اثيره لاني مافيني صفات الأثاره اللي هو يبي رغم ان شكلي مقبول جدا والله ودوده معه لابعد درجه وحنونه عليه واحبه حتى اكثر من نفسي ومخلصه له بشكل خيالي
من الكلام اللي قاله انه يوم كان متزوج الثانيه كان يمارس معه بشكل طبيعي تماما وانا لا
بصراحه انصدمت حتى هو ماقال انه العيب في تصرفاتي او في شي ممكن اغيره لا في اشياء لايمكن اغيره صار عندي ردة فعل غريبه حالة انكسار واحباط واحساس فظيع بالنقص المشكله هو اللي فتح الموضوع يوم صرت متضايقه منه زعل علي وصار يقول انا محروم وانا محتاج اتزوج وانا لايمكن استغني عنك انت لعشرتي ولعمري بس انا ابي وحده للجنس فقط
ارجوكم افهموني كلنا نعرف ان نظرة المراه للجنس نظره عاطفيه واحساسها انها مرغوبه يعني شي اساسي لأحساسها بأنوثتها ومكمل للعاطفه مع زوجها
والله تحطمت وحسيت ان كل تحطيمه لي السنين اللي راحت طلع فجأه وحسيت باني عتبانه عليه كثير وحتي مالي رغبه اكلمه بس اضغط على نفسي لأني مااحب اشوفه متضايق بس ليه قالي كذا ليه حطمني بهالشكل اذا هو يحبني مثل مايقول انا قلت له ياليتك ماحكيت قال الصراحه مهمه صح هي مهمه لما تقول اعدل او اغير من تصرفاتي بس يقول لي مالي رغبه فيك ويطلب مني اتقرب لها واتودد له مثل اول والله صعبه وفوق طاقتي والمشكله لو ماتوددت له يزعل
ارجوكم ساعوني كيف اتصرف ومن مثلي كيف تصرفت انا احس بالنقص لان زوجي ماعنده رغبه فيني حياتي ناقصه وانا ناقصه والله مو علشان الجنس لا بس انوثتي احساسي اني غير مرغوبه من زوجي ومقارنته دائم بيني وبين زوجته الثانيه ليه بس بالشكل ليه ويشهد الله علي ان ماقصرت معه باي شي في حدود قدرتي واحيانا فوق طاقتي