حطوا نفسكم مكاني وقولوا كيف اتصرف مع زوجة اخوي

تزوج اخوي من سنتين من بنت ماشاء الله كاملة والكامل الله
جمال واخلاق وادب والتزام
وقت تجي بيتنا تشيل وتحط وتساعد في اول شهور زواج
بعدها تغيرت مرره
في المناسبات ماتجي في الاعياد بس زيارة خاطفة وتمشي
يجي اخوي نقول وين حرمتك يتحجج انها تعبانه
طول وقتها في شقتها
حتى الجامعة طلعت منها

قلت بروح لها
رحت وكانت ذابلة ودايما سرحانه سئلتها ايش فيك قالت تعبانه من شغل البيت
حاسة انها مب طبيعية قلت مب اضغط عليها
كنت نسولف ونضحك وفجأة سكتت وقعدت تبكي
انفجعت ايش فيها
حلفتها انها تقول وماتسكت ومب طالعة من شقتها الاان اعرف شنو فيها

قالت ان اخوي مايخليها تطلع لان يخاف عليها
حتى اذا بيروح البقالة الي تحت في العمارة يقفل عليها الشقة
وخلاها تطلع من الجامعة مع ان معدلها عالي وانقبلت خايف ان يصير لها شي
اذا طلعت لااهلها كم ساعة يدق عليها طول الوقت
ومايقبل تروح بيتنا لان اخواني موجدين
وماتقدر تروح السوق او مطعم خايف احد يناظرها
حتى النوافذ ممنوعه تفتحهم
ومرة قعدت تبكي تبغى تروح زواج خالتها
جاته ضيق تنفس وقعد يستفرغ الله يكرمكم شافته كذا خافت عليه وهونت
عاتبتها ليش سكتت ليش ماتكلمت سكوتها هو الي زاد الطين بله
قالت ان ماتبي اهلها يدرون لان ماتبي تخسره

ايش اسوي حالتها تقطع القلب
اكلم اخوي مع انها محلفتني ان مااقول له
اكلم اهلها اخاف تصير مشكلة
اكلم اهلي هو يكون اخوي من ابوي وامه اكيد بتسوي لي مشكلة كبيرة هي بلاشي مب طايقتني
اتركها كذا ؟ قلبي مايطاوعني من جيت عندها ضايقة فيني الدنيا
مرره احاتيها واحاتي اخوي

بليز متزوجات لو لاسمح الله انتوا في هالوضع كيف بتصرفون مع اخوكم وزوجته
مب شرط تدخل مباشر
اسوي اي شي يخفف المشكلة
عقلي واقف مب عارفة افكر في حلول