حطو نفسكم بموقفي وقولو لي .. اللي سويته صح ولا خطأ

بسم الله الرحمن الرحيم

بنات انا ابي مشورتكم وهل اللي سويته صح ولا خطأ


امس امي قالت لي خطبك واحد عمره ثلاثين سنه ومتخرج من جامعة البترول ومهندس في ارامكو
طيب الى الان مافي شي المهم تقول انه مطلق وعنده طفلين :icon33: :icon33:
انا لما قالت مطلق ماقلت شي بس عنده طفلين ماادري حسيت اني انصفقت الدنيا بوجهي وقلت لهاا ماابيه لو وشو:angry2: :angry2:

الغريب يابنات بالموضوع ان امي مايعجبها العجب ودايم ترفض عني وكنت استاء من هالموضوع انها ترفض الخطاب بأسباب تافهه ومع العلم اني انخطب من ناس ماعندهم تجارب سابقه مثل هذا وعلى كذا كانت ترفض وماتقولي اصلاً واسمع بالاخبار من خواتي الحين وش الطاري جايه تقولي بالموضوع وتقولي ماعلى الرسول الا البلاغ المبين مدري وش الذرابه اللي طلعت فيها فجأة
يابنات انا عمري الحين 22 سنه وتوني هالسنه ذي تخرجت من الجامعه ولا قد تزوجت توني بنوته ومااشوف نفسي اقل من غيري عشان اوافق على واحد له تجربه سابقه وعنده منها طفلين

بس امي ليه جات وقالت لي فكري بالموضوع لاتقولين لي ردك الحين هذا اللي محيرني اول الامر قلت ماابي افكر فيه خير شر بس بعدين تذكرتكم وقلت اجي اشاوركم هل تصرفي ردة فعل طبيعيه لوحده مثلي ولا انا بالغة في ردة فعلي والموضوع عادي وانا مكبرته

:( :(

غير كذا انا اخر مره انخطبت قبل هذا تقريبا من سنه وزياده وبعدها اختي اللي اصغر مني دايم تنخطب ويمكن تتزوج قبلي بحكم ان اللي يبون يتزوجون الحين اكثرهم بيون البنات في الجامعه مش متخرجات تتوقعون امي شافت اني بعنس في وجهه رغم اني والله مخلصه من الجامعه وانا صغيره مارسبت فيها مثل غيري ..وهل تتوقعون انها خافت من كثر مااختي اللي اصغر مني تنخطب وخافت اني مااحد يخطبني وجت قالت لي بالموضوع ولا ايش
بصراحه انا مشتته وضايق صدري

والحين المشكله بين يدكم ومالي غيركم شورو علي باللي تشووفوونه بس بالله عليكم حطو نفسكم في موقفي بكل امانه لو انتو محلي وش ردة فعلكم