السلام عليكم
الله يتقبل منا ومنكم الصيام والقيام
موضوعي عن ( اهلي)
انا البنت الوحيده لاهلي وهم كبار في السن فوق70 سنه الله يطول في اعمارهم
ومعي اخوان ذكور متزوجين
انا اخر العنقود جابنتي امي على كبر
عشت معهم 22 سنه كانت من اجمل الايام
لكن تقريبا اعيشها وحيده استغلها في الرسم القراءه استغل وقتي بما هوه مفيد
لان ابوي كبير في السن وطول الوقت مشغل التلفزيون على الاخبار ولا يحب يتكلم
امي برضو تجلس جنبه وتشاهد
اذا كنت ابغى اسولف معهم يسكتوني عشان يركزون في الاخبار
الحمدلله قدرت اعيش بس كنت كتومه ووحيده وحده شديده لدرجة اني ابكي من الوحده
وانطوائيه على نفسي
رغم انهم عوضوني عندي كل شئ جوال لابتوب غرفة رسم لاني احب الرسم
لكن الوحده شينه
جاء اليوم الجميل الي تزوجت فيه الحمدلله
ونسيت الوحده صرت اشارك شخص كل شئ واهدر فوق راصه 😂
الحمدلله الله يرزق كل بنات المسلمين
(المشكلة )تبداء الحين
اشتاق لامي وابوي كثيييييييييييييييييييير
واشوف الناس يروحون لبيت اهاليهم وينامون عندهم
ويستمتعون
اما انا💔
اذا رحت لاهلي
ادخل عليهم متحمسه لهم واشتقت لهم
بس للاسف نفس السيناريو ينعاد
يجلسون على الاخبار
ويرفعون الصوت😢💔يعني اسكتي
اجي ابغى افتح موضوع يسلكون لي ومو معي مرررره
يعني كاني جالسه مع نفسي
لاحظت انهم ما يحبون الزيارات
اخاف اكون مايحبون جيتي ويستثقلوني
والله ما ارتاح الا اذا زوجي ارسل يقول انا تحت انزلي احس اني بريحهم
صرت ما ازورهم الا في الشهر مرتين او مره
ولا تحسبون انهم يتحمسون لي
نفس الشئ يسحبون علي💔
طبعا هذا طبعهم من وانا بنت
بس صرت استحي الحين
المشكلة انو عمتي ام زوجي لاحظت اني مااروح لاهلي كثير
وتخاصم زوجي تقول ودها لاهلها
تحسبه يرفض يوديني
😢ليتها تدري بس💔
صرت احسد البنات الي يروحون لبيت اهاليهم ويستمتعون وينامون
مو زي😞
ايش الحل تكفون ؟
يلزم عليك تسجيل الدخول أولًا لكتابة تعليق.
قلم احمر 12
•
الله يعينك
الله يعينج حاسه فيج
بصراحه أنا كذا بعد لما أسير عند أمي الله يحفظها ويعافيها نتم ساكتين لو اتكلم تسلك وتنهي الموضوع، امي من زمان كذا ماكانت تسمع لنا ولا تسولف معانا
والحمدلله رب العالمين أسأل الله أن يحفظ أمهاتنا
بصراحه أنا كذا بعد لما أسير عند أمي الله يحفظها ويعافيها نتم ساكتين لو اتكلم تسلك وتنهي الموضوع، امي من زمان كذا ماكانت تسمع لنا ولا تسولف معانا
والحمدلله رب العالمين أسأل الله أن يحفظ أمهاتنا
بينكا
•
خلاص حديي ايام تزورين فيها اهلك وبعدين انتي تعرفي ع جيران او صديقات راح يفرق معاك وتحسين فيه شيء جديد .
هم يحبون الاخبار .. انت تكلمي معهم عن الاخبار وجيبي اخبار جديده من النت وهم راح يستمتعون معك بيكون عندك سبق اخباري .. لانك ممكن تتكلمين بوادي وهم بوادي ..
اتفقي مع اخوانك وحريمهم اتسوون قهوة او عشاء وتجون عند اهلك كذا بيكون بتسوون جو اكثر لهم واعتقد انهم حاسين بوحدة اكثر منك ولقو التلفزيون متنفس لهم
الصفحة الأخيرة