مساء الخير
اذكروا الله وصلوا ع النبي ( اللهم صلي وسلم عليه )
حبآيبي أنا كنت أبغى أسوي قناع الحلبة والزبادي , واعتمدت طريقة عضوه بهالمنتدى
خذيت الحلبة ونقعتها يوم كامل في شوي مويه , جيت لقيتها كبرت الحبوب شوي , حطيتها بالخلاط وخلطتها لين صارت زي المعجون
احتفظت فيها بالثلاجه وعملت القناع لمدة يومين , ملعقه منها وملعقه من الزبادي ,
بعد كذا أهملته بسبب ظروف , والحلبة صار لها تقريباً إسبوع بالثلاجة ما قربت منها
لكــن المفاجأه ,,, جيت امس فتحت الغطاء لقيت الحلبة بدت تنموو , يعني تطلع فيها جذور بيضا , مثل هالصورة
طبعاً انا مدري وش السالفة ولا أدري وش أسوي فيها
بس أتوقـــــــع والله العالم إنها كذا بتكون أكثر نفع
وش رآيكم بنآت ؟ وش سالفة هاللي طلع ؟ ونافعه كذا استخدمها وإلا أرميها ؟