انا اقول اخذي ولد عمه ..واهتمي بدراستك .. وحاولي تتتناسين اللي صار واعتبريه ماضي وراح ...

الله يوفقك :)

يا عزيزتي
واضح انك متاثره بالاغاني والافلام كثيرا لذلك ارجوك واعتبريني امك انك تتركين الاغاني ووتعوذين من الشيطان وتكثرين الصلاة وقراءة القران وسوف تجدين الراحه والسلوان بها
كم اتمنى ان تصلي الى مرحله انه عندما تتذكرين ما حصل تضحكين من قلبك على اخطاء وقعتي فيها وتستغفرين ربك وتدعيه ان يجعل من احببتي ينسى ما حصل او يقدر انها افعال مراهقه ويغفرها لك لانك اول شي اقاربه والشي الثاني ستتزوجين ابن عمه باذن الله
اذكري الله وادعي ان يمدك بالقوه لاكمال دراستك واتمام زواجك ممن يريدك حقا
موفقه ان شاء الله

السلام عليكم ورحمه الله وبركاته

اختي الغاليه جرحتني الله يقهرك انا قريت قصتك من البدايه الي النهايه.......

رغم اني (خليني اكون صريحه معاج )اتلخبطت في بعض الاحداث
بس مع ذلك شدتني لدرجه حبيت اعرف النهايه(راح اقولك ليش بعد شوي)

ابي اقولك شغله مهمه جدا وهي ان الصراحه اهم شي بالنصيحه يعني لو تسمعين كلام من البنات اتمنى انج ما تهتزين من داخل وتقولين في نفسج لأ ماراح اطبق اللي ينقال لي هم اغلطو على او اجرحوني

كل اللي اقدر اقوله لج ياقلبي لاتنجرفين مع هذي الاوهام
انا حاسه فيج وبدليل ان عندي وحده من اعز الناس لي سالفتها نفسسسسس سالفتك
(حب منذ الصغر) وكانت اتسوي نفس اللي كنتي اتسوينه من تضحيه و... و.. الخ
بس الفرق بيناتكم انها هي خذت اللي كانت مستعده تبيع الدنيا على شانه وانتي لأ
كان حب كل العايله اتعرفه واتكلم عنه ووبعد( عسكري)
وهي انسانه طموحه جدااااااااااا ويتمناها كل واحد
وتم الزواج..........
اتهقين عاشت مثل ماتبي؟؟؟؟؟؟
تحققت احلامها الورديه؟؟؟؟؟؟؟
اللي تحبه وصار لها شنو تبي بعد!!!!!!!!!!
بعد مروور اشهر من الزواج ....... بدأ الرجل يظهر على حقيقته(رغم ان الكل كان يمدح فيه ويتشكر باخلاقه) لكن سبحان الله في رجال مايبينون الا بعد الزواج باشهر قليله اتبين صج اخلاقه..... لا تقولين لي فلان يمدحه والا اخته تمدحه
الرجال له وجهين........ لزوجته وجه وللناس وجه ثاني
انا ما اقول لج هذا الكلام تفلسف لأ
انا اقوله عن تجربه وشي واقعي
والحين .......والله والله انها اتعس انسانه الحين ........تدرين ليش؟؟؟؟؟؟
لانها اكتشفت الشخص اللي تحبه على حقيقته........
والشي اللي يحر انها متخرجه وبمعدل قوي جدااا واختارت انها تكون زوجه وام وترعي بيتها مع اللي تحبه ويكونون عش الزوجيه واتركت ديرتها اللي ترعرعت فيها وراحت للمكان اللي يعيش فيه..... على انها اتوظف بديرتها واتكللل هذا النجاح بوظيفه
ضيعت فرصه العمر يوم كانت خريجه (لان الاولويه في التوظيف للخريجات)
وبعد ما شافت الموووووووت من اعز الناس لها من توأم روحها (ولازلت اتذكر كلامها يوم تقولي اشلون تفصلون الروح عن الجسد هذا انا وهو)
شفتي كل هذا صار قشووووووووووور وبعد الزواج طلع اللب
والحين اتعذذذذذذذذبت وذاقه الامرين على شان اتوظف لان المحروس مو قادر يصرف عليهااضافه انه مل منها ومن كثر ما تسمعه كلام الحب زززززهق وقالها لها انا ززهقت منك .......


والرجال مايحب المرأه تركض وراه يحب هو يركض وراها

لا اتخلين الشيطان يضحك عليك وتقعدين اتبررين تصرفك وحبك له ......لأ وانك ضحيتي واهملتي نفسك على شانه
اتهقين هو حاس فيج؟؟؟؟؟؟
تلقينه ولا على باله عايش حياته وش عليه
لاقي وحده اتسمعه كلام حب وتصرف كل فلوسها علي مكالمات ومسجات
لاقي وحده يتسلى فيها ليمن يلقا شريكه حياته
لانه لو فكر ما راح يفكر فيج وحتى لو تزوجتيه اتهقين راح يثق فيك
راح يشك فيك لانك كنتي اتكلمينه واتراسلينه بدون علم الاهل
راح يقول مثل ماسوت باهلها اكيد راح اتوي فيني

وتبين الصراحه انتي لازم تفصلين بين حياتك العاطفيه والعمليه
لا اتخلين الشيطان يضحك عليك باسم الحب
الحب الحقيقي يجي بعد الزواج ( لا تقولين كلام عجوز) لان هذه الحقيقه التي لابد اننا نقتع فيها
الحياه اولويات
والانسان لازم يقسم هذه الاولويات(شي لنفسه وشي للناس اللي حواليه وشي لامه وابوه واقاربه)
انت بنت بعمر الورد وقدامك مستقبلك..... وصدقيني لو تضغطين على نفسك بس شوي واتحاولين تنسين واتفكرين بمستقبك راح تنجحين واتردين مثل اول تدريجيا
والمستقبل ما يتعوض لا تقولين بسبيل الحب اتنازل عن مستقبلي ...لأ
مثل ما كنتي مصره انك ما تنازلين عن الشخص اللي تبينه ..... خليك مصره على عدم تنازلك عن مستقبلك
ليش لهذي الدرجه انتي رخيصه بعين نفسك؟؟؟؟؟؟؟
وكل ماجيتي اتفكرين بالموضع انسي وتعوذي من الشيطان



يالغاليه (اللي يبيعني ابيعه بكف تراب

اختى قصتك طويلة قريت بدايتها بس اولا من تعلق قلبه بغير الله فقد كفر ايش حبيبي وما حبيبي مايجوز الكلام هذا وبعدين ليش انتى ساعة علشان هذاك يطلبك من حبيبك على قولتلك وهذاك يقوله عطيتك !!!!!!؟؟انا والله مااعرفك بس مارضيت عليك اختى حسب كلامك انى ربي معطيك جمال وعلم واسلوب حسن فااتقي اخيتي نار عرضها السوات والارض وانشغلي بذكر الله عن هذه التفاهات فمن اول الحديث باين ان الجميع ضدك وغير راغبين فيك واولهم حبيبك بدليل موافقته بإهدائك لاابن عمه اختى ذاكري وكملي دراستك وراقبي الله في كلامك وتصرفاتك واول عريس كفؤ يتقدم لكى وافقي عليه واتركى حبيبك هذا الايكفيك انهم شووه سمعتك بانك على علاقة حب بابنهم انتبهي من هذه النوعية من البشر هداكي الله اختى ووفقك لطاعته

بسم الله

الحمدلله والصلاة والسلام على رسول الله


الفاضلة .....جرحتني

حياك الباري وبياك

قرأت قصتك ...وتأثرت ...وشعرت بشعورك

وخاصة أن المرأة مخلوق ضعيف


يافاضلة...قولي معي الحمدلله أن التائب من الذنب كم لاذنب له


ولاشك أني أتفق وأياك على أن شرع الله ودينه هو مصدر السعادة وصمام الامان وواحة السرور


لذلك أقول لك أخية أنك وقعتي في مخالفات كثيرة هي السبب فيما وقعتي فيه

من مصائب وهموم بلا شك

وهذا يدل بإذن الله على لطفه بك فكل بلاء يصيب الأنسان كفارة له ...ولو تيسرت امورك لربما ماشعرتي بذنبك وقابلتي الله به


المخالفات يافاضلة...أولها وأعظمها

تعلق قلبك بغير فاطره وباريه...فلايستحق الحب على الحقيقة إلا الله جل في علاه

فحب الله هو جنة القلوب وحب غيره جحيم القلوب

وفي الحديث (من أحب شيء عذب به)او كما جاء لان القلب لا يصلح الا لله جل في علاه

وكونك تهيمين به كل هذا الهيام فهذا يحدث شرخ في عقيدتك حفظك الله


ولا بد أن تخلصي نفسك من حبه بالمجاهدة وتذكر مناتنه كما أخبر ابن القيم في علاج العشق

واللجوء لله والإكثار من قراءة القرآن الكريم وذكرة ستجدين بحول الله الفرج والسعادة وتتبدل

أحزانك ووحشتك أنس بالله ومسرات



والمخالفة الثانية بارك الله فيك

تساهلك في الحجاب فالحجاب هو الحصن الحصين للمرأة وفاطرها الذي هو أعلم بها

أفترضه عليها والمرأة كلها عورة


وكذلك التساهل في مكالمته وتبادل احاديث الغرام فالاسلام منع أبناءه من ذلك

لطف بهم ومحافظة علي مشاعرهم وعليهم


رعاك الله

أكتب لك بقلب صادق يريد لك الخير

توجهي الى باريك وأفزعي إلى رحابه وأكثري من طاعته والأنس به

تفيض على حياتك أصدق معاني السعادة

تقربي لله بطلب العلم الشرعي

اسمعي اذاعة القرآن الكريم من مكة المكرمة فستنقلك أشواط بعيدة الى حيث الحياة الساحرة

ختاما رعاك الله أحب أن أنبهك على هذه العبارة

امانه حبيبي وغلاتك عندي انتبه على نفسك

فالحلف بغير الله شرك

حمانا الباري واياك