حطيت هقوتي فيكمـ يابنات حــواء ولا تخذلوني انتم املي بعد ربي ...

مساكم خير
.
.
بنات انا وربي تعبت وحالتي النفسيه تتدهور كل يوم عن يوم اكثر والسبب دراستي :(
من جد مليت انا تخرجت من الثانويه بنسبة 80% تحطمت مرررهـ لاني منسحبه والترم الاول كانت نسبتي 98% وربي انصدمت وكانت امر ايام تمر علي بحياتي لاني انسحبت وعدت ثالث ثانوي ثاني مرهـ عشان ابي ادخل طب اسنان او صيدله وماكان فيه نصيب :( واستسلمت وقدمت بالكليه التربويه اللي عندنا واعطوني اهلي امل بقسم الانجليزي وانه حلو وله مجالات تكملين واقتنعت ن مافي غيرهـ قدامي
واقدم على كليتنا وانتظر القبول وانصدم بأنهم ماقبلوني ولا بأي قسم :( واسمي ماطلع بالجريده واراجع الكليه واحوس وابوي من هنا ويوافقون على قسم الاقتصاد المنزلي
وسويت اضراب على اهلي وابي اكاديمية الامير سلطان وابي وابي وابي خصوصا اني بمدينه تبعد عن الرياض 4 ساعات وما اقدر ادرس بجامعه الا اللي فيها سكن خاص
اهلي رفضوا ومالك الا هي والاقتصاد وخلاص وهذا نصيبك
رحت وقعدت افكر واشور خوياتي وقالوا مالك الا تدرسين مواد مشتركه بس والسنه الجايه تحولين انجليزي وانا نفسي بالانجليزي عشان احس نفسي راغبته يعني هو اشوى شي عندنا المهم رحت للعميده وسألتها اقدر اسوي كذا واضمن تحويلي
ردت علي وقالت ما اضمن لك ما ندري وش يصير بتعاميم وقوانين السنه الجايه .. :

توكلت على الله وقلت يلا مالي الا هالطريق اخر امل لي بعد الله ..
وهذا انا ادرس مواد مشتركه وحاطه يدي على قلبي والله يستر وتأخرت سنتين بدراستي كله عشان احقق اللي ابي لكن مافي امل تنسد وتنسد بوجهي .. :(

أبــــــــــــــــــــــــــــــــــــــي

وتكفــــــــــــــــــونـ :(
أخر امل انتم لي وربي
ابي من كل وحده من بنات الرياض تعرف جامعات تقبل نسبتي تقولها لي واهم شي السكن يا بنات :D

وابي من وحده تكون هي او تعرف احد بجامعة الملك سعود نفس نسبتي ويقبلوني
بأي قسم :D
وتنزلي الله يعطيها الف عافيه الاقسام الموجوده بالجامعه كلهـــأ كل قسم
تكفووووون تكفوووووون :(
حطيت هقوتي فيكم يابنات حواء ولا تخذلوني




حبي لكم