حطي نفسك بمكاني (( زوجي وبنت عمه )) أمانة وش تسوين؟!

السلام عليكم ورحمة الله وبركاته
أخواتي بنات حواء يشهد اله لو ماشفت منكم تعاون مع العضوات وماشاء الله كانكم اخوات ما كنت كتبت موضوعي ...

الله يوفق الجميع

عزيزتي الزوجة حطي نفسك بالامانة مكاني وش تسوين ؟؟!!

انا كنت مشاركة باحد المنتديات وزوجي كان عضو بنفس المنتدى طبعا يدري عني وبنفس الوقت (( بنت عمه )) تكتب بنفس المنتدى المهم بعد فترة جاء معصب وقالي لا تكتبين ابدا بالمنتدى وطبعا كنت متعلقة حيل بالمنتدى خاصة اني لقيت من يهتم بمواضيعي بدل زوجي المهمل ..
زوجي كان يرد على مواضيع بنت عمه هو عارفها بس هي ماتعرفه يعني ماتعرف منى الشخص اللي يرد عليها ..
بعدها بفترة عرفت ان اللي يرد عليها هو نفسه ولد عمها وطبعا هو ماقالي بس انا كنت جالسة عنده وجته مكالمة من صديقه يقول ان فلانة سالت عنه وقالوا لها انه ولد عمك ..

المشكلة بالنسبة لي كبرت قبل لما كانت ما تعرفه كان عندي اهون بكثيييييييير من انها تعرفه وتعرف ان الشخص اللي يرد عليها هو ولد عمها وهو مازال يرد عليها بالرعم من انه يدري انها تعرفه ..

طيب انا خايفة يتطور الوضع بينهم .. وبالامانة لو كنت مكاني وش ردة فعلك ؟؟!!

خاصة اني عند اهلي الحين زيارة ولما دخلت المنتدى امس بدون لا اكتب اي مشاركة شفت انه راد على احد مواضيعها
ولما اتصل فيني سالني اذا دخلت على المنتدى وقلت له دخلت بس ما كتبت شيء انجن وعصب وقالي ليش وقلت له مثل ماتبي مني انا ابي منك لا ترد على بنت عمك ولا بنات المنتدى وعلى طوووووول سكر السماعة بوجهي والى الان ما اتصل ولا سأل .؟؟!!

الله يسعدكم وش اسوي اعترض على تصرفه والا اسكت ؟؟!!

حطوا انفسكم بمكاني ..
الله يجزاكم خير ويفرج همومكم ...