حطي نفسك مكاني

ما ادري وش اقول لكم بالضبط
بس من فتره زوجي يفتعل مشاكل ع الطالعه و النازله و يحاول يكرهني فيه، و اي شي احبه ينغصه علي و الاشياء الي اقوله لا تسويها تزعجني ، كأني أقوله يلا ازعجني فيها
يوم عن يوم يضيق الخناق علي و يحب يمشي كلامه و يهاوش و يتهمني مقصره بكل شي و ما اهتم فيه
مع اني اهتم بكل شي من البيت للطبخ له و للجلسه معاه و يطنشني مايعطيني وجه يجلس قالب و جهه و اول ما يرن احد من اصدقاه عليه ، يتهلل وجهه و اسمعوا لي الضحك و السوالف
و انا وجهي زي ذا😑
الي خلاني اكتب لكم الموضوع ان فيه موقف تكرر مرتين ، يكون بيني و بينه مسافه و يفتح ملاحظه صوتيه فيها صوت بنت، متاكده انه موصوت خواته و لا خالتي ، يفز و يسكرها بسرعه و يتغير وجهه
اول مره صار الموقف حسبته مقطع فيديو ولا شي
ولاحطيت ببالي من باب الثقه
لين حلمت فيه حلم مو كويس، ما ابي اقوله و هنا قرصني قلبي
لما تكرر الموقف مرا ثانيه حسيت قلبي جمد شوي و يوقف
صار له فتره يسرح و يشيل هم، و لما اسأله وش فيك ، يقول اشياء تخص اهله شايل همها و ما يبي يقولها لي
تذكرت من فتره قال لي اصحابه حاكين في سيره زواج المسيار من دوله عربيه و انهم اسعارهم رخيصه!
طبعاً كان يطقطق ما كان جاد، و انا قلت له ياويلك لو تسويها و كلام من هالنوع ..
الحين الافكار تلعب براسي، هل كل الي يسويه عشان اطلب الطلاق و يتزوج؟ هل الي يسويه عشان اكرهه و اذا قال بتزوج اقول له بقلعتك؟
مسكة يده علي جالس يجمع للثانيه؟
ادري بتقولون وش فيك موسوسه و لا تدورين مشاكل، انا لاذي و لا ذي ،بس اشياء مبهمه تصير قدامي
حطوا نفسكم محلي، ايش بتسوون ؟
رجاءً بدون تعليقات جارحه ✋🏻
و اترك لكم المايك🎤