حطي نفسك مكاني ؟محتاجه رايكم بكل صدق وأمانه؟؟محتاره!!

السلام عليكم ورحمه الله وبركاته
انا يابنات اول مره في حياتي اكتب موضوع بالنت بس معليش حابه استشيركم بشغله وهي انو انا متزوجه لي اربع سنوات والله ماكتب لي من زوجي الذريه وهو السبب منه والحمدلله على كل حال عنده عقم شديد جدا وانا ولله الحمد والمنه مرتاحه معاه جدا ومتفاهمين ماينقصني ولله الحمد الا الأطفال وانا تعبت مرره انا عايشه مع اهل زوجي بنفس البيت وكل حريم اخوانه حوامل الا انا...:icon33:
فيني عيب اني حساسه ولمن احد يسألني عن الحمل ارتبك ولا اعرف ارد واداري دمعتي يعني اي احد يفتح معي مجال بها الموضوع مااقدر اضبط نفسي مثلا لو ابوي سألني حملتي او زوجك عالج ولا جلس ينصحني مااقدر ارد على طوووول اصيح صياح مو صاحي مستحيل احد ياخذ مني رد بها الخصوص اجلس ابلع ريقي وارتبك ماادري انا احس بالنقص من هالموضوع ,,, مع اني متيقنه ان الرزق بيد رب العالمين وان اللي كاتبه ربي بيصير ,,,,
واحيانن افكر في ناس نعرفهم حوالينا سواء رجال ولا حريم صارو كبار مره بس احس وضعهم بدون اطفال يحزنهم كثير واحس الناس يشفقون عليهم ..
واحس في حياتي فراغ كبييير!!!وانا الحين لي اربع سنوات اجل لو اكثر وش كان صار فيني ؟؟
والله يابنات اني معاناه دايم ودمعتي على خدي والتفكير يجيبني ويوديني لبعيد !! انا انسانه جدن جدن ضعيفه ودمعتي دايم تخونني حتى عند الناس ومع ذالك مكابره!!
الزبده يابنات اكمل مع زوجي المشوار واصبر واحتسب والله كريم وبعباده رحيم ؟؟؟؟ والله يعينني على الدموع وضيقه الصدر!!!:icon33::44:
ولا اطلب الطلاق واشوف حياتي مع اني احيانن افكر اقووول مستحيل اتزوج الا واحد مطلق او عنده حريم ومايندرى وين الخير فيه؟؟؟
مع العلم اني في قراره نفسي وقلبي اقول مستحيل اتطلق الطلاق في نظري حاجه صعبه جدن مستحيل وحده ضعيفه مثلي تتحمله ..
وتكفون يابنات ادعوا لي لعلها ان تلاقي وقت اجابه فدعوه المسلم لأخيه المسلم في ظهر الغيب مستجابه ....
ويعلم الله اني ادعو لكل وحده بالمنتدى ان يفرج هم كل مهمومه وينفس كربها ويقضي دينكم جميعا ...
ربي لاتذرني فردا وانت خير الوارثين ,,,