حطي نفسك مكاني وقولي لي كيف تتصرفي؟؟

عزيزتي
ماشاء الله عليك نفسيتك روعة وذربة وسنعة وقمة الذوق
والطيب والكرم
لا تبالي هناك اناس
يفتقرون للذوق العام
في الرد على الأخرين
ممكن هي ما تتعمد
لكن من ولهها على البقية ممكن ماحبت تكون انانية وفكرت بهم بنفس الوقت
لكن
لإفتقارها للأسلوب والطريقة المناسبة للرد كان ردها كما دونتي
طنشي وعدي الموضوع
وكملي طيبك وكرمك
وصدقيني بتلاقي صدى هالطيبة كل خير
سلامي.......

شوفي يعتمد رد فعلي على حسب الشخص لو جارتي وتمووووون مره عادي ما ازعل واضحك وما آخذ في خاطري
وخذيها مني يالغاليه
فيه ناس تمون ولا تزعلين منهم
وناس ما تمون وما تقدرين تزعلين منهم ... بتقولين كيف ؟؟أقولك فيه ناس ما يثمنون كلامهم وهم كذا مع جميع الناس حواليهم فليش تزعلين .. بالعكس ارحميهم على نفسياتهم ( على فكره وحده من قريباتي كذا الله يهديها وما تثمن كلامها أبد والله ما ازعل منها بالعكس مسكينه مرت بظروف صعبه يمكن خلتها كذا وبعدين اللي بتستقبلينها بعشاء وقهوم أكيد هذي علاقتكم ما يحتاج فامسحيها بوجهي هالمره هههههههههه ولا تأخذينها ..

بصراحه .. ما شاء الله عليج قمة في الذوق

وحلو الواحد يعامل الناس كذا يعني ما يهتم بكلامهم ولا ياخذ بخاطره

ودائما اعملي الخير والواجب ولا تنتظرين من حد شي واحتسبي الاجر عند ربك

ويكفي تكونين كبيرة بعين ريلج والناس حتى لو قالو العكس صدقيني بقلوبهم يدرون انج احسن منهم .. لانج لو ما سويتي هالشي راح ينقصون منج

:)

ووصلت البجاحه للحد وخ بس الله يعينك

اذا سالتك نفس السؤال..جاوبيها نفس الجواب:)