السلام عليكم راح اقولكم عن قصتي انا مطلقة من اربع سنين وعند ولد راح ابدا من اول نشأت بعائلة عادية جدا امي خوافة جدا من ابوي وتخوفنا من ابوي كثير لاأحد يتكلم ولا يسمعكم ابوكم ونشأنا على الرعب من ابوي مع انه العكس تماما بس ماأكتشفت هذا الشي الا لما كبرت المهم كان لايطلعنا ولا نتمشى ودايما خايفين منة وتعودنا على هالنظام وابوي بعد تعود على نظامنا حياتنا مملة جدا امس مثل اليوم واليوم مثل بكرة لما وصلت 3 جامعه تقدم لي شخص من بعيد ووافقت بدون تردد ابغى اطلع من حياة الضيقة مبدئيا هو شخص ممتاز وغني ومن سكان الرياض عاد انا عشقي الرياض وصار الزواج بسرعه تزوجته ولكن الصدمة اللي ماأفقت منها الا بعد ماحملت منة تزوجت (( بــــــــــــــــــــــــــــــــــــخــــــــــــ ـــــــــــــــــــيـــــــــل))تخيلوا يوديني لأفخم المولات والمنتزهات وارجع كذا ماأشتري ولا شي يعني شوف عينك وحظ غيرك على قولتهم اذا مر على اصحاب المحلات اللي هي الفطاير والسينبون وغيرها اللي يحطون عرض عشان الناس تشتري وتقدر تذوق ياكل واذا قلت اشتر لنا يقول خلاص شبعت حالتي انا وولدي بالويل تخيلوا البس لبس تجهيزي وانا عروس 3سنين لبسي تقطع من كثر مالبسته
اهلي كريمين جدا وانا ماتعودت على البخل ولاقدرت اكمل معه ورجعت مطلقة لبيت اهلي ومعي ولد عمرة سنة
والله قهر اهلي كريمين بس لا يطلعون ولا يروحون ويجون ولاسفريات ولا تمشية ولا اختلاط وزوجي بخيل بس يحب التمشية والسفر والطلعة هالحين رجعت لحياة الكتمة من جديد بس اللي يقهرني اكثر معي ولد والله انة يكسر خاطري مااحد يطلعة ويفسحة لو شوي
ودي العبة واطلعة مثل باقي الاطفال بس مابليد حيلة اذا قلت لخوالة طلعوة مايرضون اخذوا طبع ابوي والله اني في ضيقة مايعلمها الا الله تخيلوا لو اقولكم امي بيصك عمرها الخمسين ماعمرها اعتمرت ولا شافت مكة والله بنموت من الكتمة ادعوالي ان الله يفرجها لي ولخواتي والله لي اخت خايفة تجيها نفسية من الكبت اللي نحس فية
قرايبنا للأسف بعيد كنا نجيهم وحنا صغار بس لما كبرنا خلاص معد نروح
ادعوا لي بنات ان الله يفرجها علي
:(
ولدي افدية بدمي @oldy_afdy_bdmy
عضوة جديدة
يلزم عليك تسجيل الدخول أولًا لكتابة تعليق.
هذا اللي قاهرنا اكثر خواني من كثر الكبت من توظفوا معد يحسون الا بأنفسهم يطلعون هم بس ولا يحبون الطلعة العائلية
هونيهآ وتهوون يآقلبببببببيي
زنوا على ابوك لمآ يمل ويطلعكم وكلمي آخوآنك آمكن يحنون لأـآشافو ولد إختهم يكملهم بعد
او مآفي الا السوآق يجي يطلعكم حتى لو إنتي وإختك وولدك وتنبسطيين
وربي يفرجها عليكم يارب
بس أكثري م الدعوآت آخر الليل بإذن الله ربي مآراح يخيب ظنكِ
^.^
زنوا على ابوك لمآ يمل ويطلعكم وكلمي آخوآنك آمكن يحنون لأـآشافو ولد إختهم يكملهم بعد
او مآفي الا السوآق يجي يطلعكم حتى لو إنتي وإختك وولدك وتنبسطيين
وربي يفرجها عليكم يارب
بس أكثري م الدعوآت آخر الليل بإذن الله ربي مآراح يخيب ظنكِ
^.^
الله يعينك حاسه فيك والله قهر صح بس احمدي ربك عندك اخوان الله يخليهم لكم قولي لهم ان ولدي ماابيه يعيش مكبوت وعنده خوال قولي اخاف يجيه مرض نفسي من الحرمان قبل وبعد الله يقويك مابيفهمك الا اخوانك بس لاتخجلين منهم قولي اعتبركم بدال ابوه تعزوني وتعزون ولدي والله يكبر حضك ياقلبي
الصفحة الأخيرة
بيحن عليكم اكثر وبيوافق ان شاء الله
ومدام اخوانك كبار خلاص دورهم الان يطلعونكم ويمشونكم
الله يفرج همكم ويسخر لكم الوالد وييسر اموركم كلها ويعوضك خير