حظ الملايح فضايح وحظ .......... قايم

السلام عليكم
كيف حالكم ياملايح
عندي موضوع شاغلني من فترة وانا افكر فيه قلت مالي الابنات حواء يشاركوني
ويعطوني ارأهم عن الموضوع ومافي مانع من التجارب نبدأ بسم الله
الحالة الأولى
الزوجة :ماتلبس في البيت إلا ارواب وجلابيات من ابو عشرة لا ومخصصة الأسود والبني والألوان الغوامق للبيت غير كذا ثلاث ارباع الأسبوع يأكلو من برا والبيت الله يستر بس
الزوج :يموووت فيها ويدور رضاها وراحتها ومايشوف ابدا اي عيب فيها ومن غلاها عنده حتي اهلها مو مقصر معاهم مع تقصيره الشديد مع أهله
الحالة الثانية
الزوجة : مدرسة ( جمال وأدب وأخلاق) لما يرجع زوجها من العمل
أقل شي أربع أصناف على السفره والبيت قمة في الترتيب والأولاد لاقوة الا بالله دائما
مرتبين وماأحلاهم
الزوج : دائما يتلكك يدور المشاكل من تحت الأرض متخصص بالشي اللي ينكد عليها
الحالة الثالثة
الزوجة : مدرسة ترجع البيت تنام بملابس المدرسة تصحى على المغرب أو بعده
تتعشى وتجلس عالنت طبعا أخر الليل تاخذ لها روب من ابو عشرة وتلبسة
الشغاله مسؤله عن كل شي
الزوج : طاير فيها ومو مصدق نفسة لو تقول جيب لبن العصفور مايقصر وكلامها
أوامر
الحالة الرابعة
الزوجة : أناقة وشياكة وأخر حلاوة تعشق الطبخ تحب تتفنن كل يوم شي شكل
البيت نظيف ومرتب مسؤلة مسؤلية تامه عن كل شي في البيت
تحب تلبس كل شي حلو في البيت
الزوج : صاحب علاقات نسائية مايحب يصرف عالبيت ولايجيب شي ودائما يلوم نفسة
ويقول يقطع الزواج وسنينة

حبيباتي
هذى ملاحظات من الحياة دائما الحرمه السنعة الظفرة الشاطرة يجي حظها بالزواج مو قد كذا
والرفلة العويلة تاخذ حظ الحريم كلة
ياترى ليش هل طبيعة الرجال كذا أو انه على قولتهم حظ الملايح فضايح وحظ الرمايم قايم ........ أفتوني ياقوم :(