ليه يادنيـا تعزيـن الرخـوم
والشجاع يعيش عمره في نكد
تطرحينه كل ماحـاول يقـوم
والخبل دايم وحظه في سعـد
والشجاع تحاصره سود الهموم
وان تخلص من نمر طاح بأسد
تسلم يمينك يا سويت على الابيات تجننن والله صادقة
ومثل ما قلتي يا بائعة الكبريت من نظرة شخصية <<< خبيرة بالحلات الخاصة
اشوف الحريم الشاطرات والطيبات يطيح حظهم برجال ما يقدرونهم
والحريم المهملات واللي ما يهتمون باهل الزوج يطير فيها زوجها سبحان الله وعندي امثلة كثيرة
ولي عووودة

دنيـــــــــــــــا حظوظ

صح كامك بس لاتنسي التوفيق من عند الله

تدرون وش معنى الحظ ... انك تكونين دبه وزوجك يموت بالسمان
انك تكونين كشخه وزوجك ينهبل على الحرمه اللى تعرف تتكشخ
انك تكونين طباخه وزوجك ماهمه الا بطنه
يعنى تكونين حمرا وهو يحب اللون الاحمر ^_^



وتعرفون وش معنى قرادة الحظ.. ان تكونين دباا وزوجك يموت بالعصلان المصلان
انك تكونين من جنب الكشخه وزوجك يموت بالحرمه اللى تعرف تكشخ
انك تكونين من جنب الطبخ والسنع وزوجك يكون ماهمه الا بطنه
يعنى تكونين زرقا وهو مايحب الا اللون الاحمر ^_*

قلنالكم الرجال صندوق وله مفتاح واكثر عاد كل حرمه معها سلسله مليانه مفاتيح
(ويمكن وحده مايصير معها الا مفتاح واحد ... وحظها ضارب الصخر ويصير هو اللى
يفتحلها الصندوق << عاد هذى اللى انتم تسمونها حظ الرمايم قايم)
عاد هى وشطارتها تعرف وش اللى بيفتحلها زوجهاا

حيا الله UMmonah

أكيد اهم ان الوحده ترضى بنصيبها
والحمد لله على كل حال

شكرا لمرورك أختي