حظ والا وش القصه

السلام عليكم
وحده من المعلمات وربي ساحبه على ام الحصص ولافكرت بااحد بس تجي تاكل وتتقهوى وتسولف لاضمير ولا ذمه ولاحتى خوف من احد وتصدف كل ماتدخل الوكيله او المديره تكون بالحمام الله يكرمكم او قايم عندها الضمير ورايحه لل*** وحتى ماتكمل حصتها المهم اليوم اعطيت البنات خمس حصص خلاص انهيار نفسي وجسدي لاني ماسكه صفوف وبااخر خمس دقايق من اخر *** قلت لهم يلا استعدوا ضبطو شناطكم وصفو طابور وهن ماشاءالله هاديات قلت لهم اول مايرن الجرس اطلعو طابور وبهدوء انزلو من الدرج وربي انها خمس دقايق يعني اربع ساعات ونص دروس والراحه خمس دقايق قبل الصرفه وطلعت واول ماشافتني مراقبه الدور والله لاوقعك الخروج من الحصص والله لاوريكي انا من الصدمه ماقدرت انطق حرف ورحت لغرفه المعلمات واول ماجلست رن الجرس يعني هالمعلمه وغيرها المستهرات مطنشات وانا اللي ارتعب مابي احد يمسك علي عود اخرتها من اول طلعه على توقيع وتعهد
ونفس الوقت اربع معلمات طالعات من المدرسه رايحات يعزون معلمه وهن عليهن حصص وفصولهن ازعاج وصجه وفوضى
هذي وش ارد عليها اذا جابت لي التعهد
انا مقهوره ناس تلعب كنها تصرفات صبيانيه ولايجيها شي وانا انهار من التعب واول هفوه حتى مااسميها غلطه لانها مجرد دقايق اخر الحصص مااتوقع العمليه التعليميه راح تفشل يوم سويت هالشي
هالمراقبه قويه تروع تكلمينها بهدوء تفضحك عند خلق الله حتى وانتي محترمه عمرك فيه ناس ماتستحق ولاتقدر وتفرض نفسها بقوتها ولسانها
بكره وش ارد عليها ابي اللمح للمعلمات اللي تاركين طالباتهم وطالعين برا المدرسه عشان حاجه ممكن يسووها خارج الدوام حتى
مقهووووره ومسمومه من حركتها اليوم وانا وحده مااحب اطول لساني وماتعودت ع الشد والجدال
واللي بتقول المفروض مااطلع ليتها تجي مكاني بس وفصلي جنب غرفه المعلمات وطالباتي واثقه فيهن مؤدبات والدقايق الباقي استعداد للصرفه لاني اعطيتهم دروس لمدةه اربع ساعات ونص يعني ارهاق عليهن
وباانتظاركم الله يوفقكم