السلام عليكم ورحمة الله وبركاته.
كيف حالكم يابنات؟ بخـير ان شاء الله؟
بنـات بتناقش معكم على موضوع "عـادي للولد وحرام للبنت"!!قبل فترة امي درت ان اخوي يحب! وعصبت وبكت وقالت والله ماتتزوجها وقومت الارض ومعد قعدتها! وابوي درى بس ابوي سكت يعني ماعنده تعليق! واخوي قال هي مُو من طبعنا وكذا! المهم بعدها بيومين اخوي كلم امي ان يحبها ويبيها؟ومارح يـأخذ غيرها! بعدين امي خلاص وافقت وابوي وافق انه يتزوج اللي يبي! وصارت امي تكلم البنت وكذا بس تعـالو نشوف الموضوع من ناحية لو انها بنت؟ لو البنت رايحه لاهلها وقايله لهم احُب واحد ويبي يتزوجني؟ أو اهلها دروا انها تحب شخص ومعه بعلاقه وبيتزوجها؟مُو راح يقومون الارض ويقعدونها لا؟ بيحفرون القبر بالبيت؟ وراح تنضرب البنت؟ وراح يتلفظ عليها بـ الفاظ ياقليلة الأدب ومو متربيه وبنت شوارع .. الخ!! ليش مجتمعنا كذا؟ ليش مافيه أنصاف؟ ليش دايم اللوم على البنت؟ دايم البنت هي راعية المشاكل؟ طيب هو حُـب وهي حبت! هو عنده قلب وهي عندها قلب! كلهم نفس المشاعر كل الاوادم! نفس المشاعر نفس الأحاسيس! ليـة دايم الولد يعاتبونه بس ماينضرب؟ ليه دايم البنت هي اللي تتحمل كل هذا؟ لية اذا ماتزوجت قالوا البنت فيها بلا؟ ليه اذا تزوجت وماخلفت قالوا من البنت؟ ليه اذا تزوجت وتطلقت قالوا اكيد منها؟ ليـة كل هذا؟ ليش ماننصف بين الطرفين!!
هُدوء. @hdoaa_79
عضوة جديدة
يلزم عليك تسجيل الدخول أولًا لكتابة تعليق.
لا انا استغرب اكثر لما يكون حرام عالبنت لانها بفعلتها تكون داشره وحقت شوارع ويجون يوافقون على زواج الولد من بنت جايبها من مكالمات وتعارف طيب هي تعتبر من الشارع صح ولا !!
الصفحة الأخيرة
المسألة مش حرام على البنت وحلال على الولد
المسألة إن البنت طبعها الخجل وتستحي فيستغرب منها الخطأ والزلة ويستنكروا تصرفها حتى لو كان عن جهل .. ولذلك حتى لو أخطأت زلتها لا تغتفر وتضل وراها حتى لو تابت .. صح الله يغفر ويسامح بس الناس م تنسى
عكس الولد جريء والخطأ منه وارد وعاادي من وجهة نظر الأعراف والتقاليد ( رجال شايل عيبه ) والبنت ف نظرهم مثل ( الزجاجة إذا كُسرت لا تجبر )
أما بالنسبه للشريعة الحمدلله فهي ساوت بين الرجل والمرأه في العقاب وفي الحساب والذنب يُجازى عليه الأثنين ولا يحل لطرف دون الآخر ..