كوبونات الراقية تسجيل الدخول

فديتك

حــرّااااء اصبعـــوااا .... بس ابصراحه شي لايفوتكم !!!

اطباق عالم حواء •



السلام عليكم ورحمـــه الله وبركــاته ...


هذي الاكله من بلاد الشاام .. لذيذه تنفع تكون طبق رئيسي وتنفع تكون مكان الشوربه ...

وعشـان جذي ماني عارفه وين احطهااااا في اي قسم ...

قلت احطها هني وأم علاء يابعد قلبي ماتقصر تحطها بالقسم المنااسب << ياقلبي والله مغلبتك معااااي :26: ...


ندخل بالتفاااصيل ...

المقادير :

كاس ونص العدس الاخضر ( الكشري )
ثلاث بصلات كبيره مقطعه لجوانح
نص حزمه بقدونس - نص حزمه كزبره
رغيفين خبز عربي مقطعين لمربعات ومقلين بالزيت ... واذا تحبين قطعيهم لاصابع رفيعه مثل طريقه الجاينييز ...
خمس حبات ثوم مدقوقه
ملعقتين دبس الرماااان
مكعبين ماجي او مكعب ونص حسب درجه الملوحه الي تحبينها او استخدمي الملح اذا ماتحبين الماجي ...
نص كاسه عصير ليموون
3 ملاعق صويا صوص
نص ملعقه كمون - نص ملعقه كزبره - ملعقه صغيره سمااق - رشه فلفل اسود
خمس اكواب ماء
مكرونه حلزونيه او الي على شكل فيونكات ( تقريبا كوب ونص )
3 ملاعق صلصه طماط ( اختياري ممكن تزيدين او ممكن ماتحطينه على حسب اللون الي تحبينه ... )

الطريقه :

تسلقين العدس بالماء وتضيفين له الملح والبهارات وعصير الليمون ودبس الرمان والصويا سوس ... وتتركينه على نار خفيفه لين تحسين ان العدس بدا ينضج وصار شوي لين ..
ضيفي له المكروونه ... وخلي النار خفيفه ... وضيفي صلصه الطماط ..

سخني تقريبااا نص كوب زيت او اكثر على حسب كميه البصل ... وحمري البصل لين يذبل ويصير لونه ذهبي ... اخذي نص مقدار البصل واضيفي له الكزبره والبقدونس والثووم خلطيهم وحطيهم مع نص مقدار الخبز الي حمرتيه على العدس الاخضر والمكرونه .. ( طبعا بعد ماتحسين ان المكرونه استوت ) ... واتركي القدر على النار لمده ماتزيد عن 10 او 15 دقيقه ..

الحين

اناااء التقديم يكون القدر الخاص بالشوبه العميق ... او بايركس عميق ..

صبي الاكله فيه وصبي فوقها عصيرليمونه ( لمحبي الحامض ) وورشي عليها باقي الخبز المحمر بالزيت ورجي الطبق خلي الخبز يتداخل وبالاخير حطي فوقه المقدار الباااقي من جوانح البصل المحمره بالزيت ...
وزيني الطبق بالبقدونس او الكزبره الخضراا المفرومه ... ورشه من السماااق ...




ملاحظه : الاكله تكووون شبه سايله ماهي سميكه او جاامده .. يعني مثل الشوربه ... اذا حسيتي انها محتاجه لمااء زيدي عليهااا اثناء الطبخ ...



وهني وعااااااافيه على قلوبكم ويارب تعجبكم .... :cook::cook:
2
2K

يلزم عليك تسجيل الدخول أولًا لكتابة تعليق.

تسجيل دخول

الاميره***ســــــــــاره
الاميره***ســــــــــاره •
مشكوووووووووورة ياعمري فيها شبه من المرقوق عندنا وتشريبه يعني اكله تجي فيها جوامد وسوائل


ولج مني هذي:26:
فديتك
فديتك •
الاميره***ســــــــــاره

مشكورهع على الرد ياقلبي ... جربيهاااااااا عاااد والله لذيذه

وهذي لج ياقلبي:26: