السلام عليكم
كيفكم يا اخواتي
يارب كلكم تمام
ورمضان كريم ينعاد علينا وعليكم بخير
بصراحه كنت مترددة كتييييييير بكتابة مشكلتي الي ضايق منها صدري
لاني مش عارفه هل هي مشكلة حقيقيه ولا انا بس الي اتوهم انه عندي مشاكل
نفسيني تسوء يوم بعد يوم
مواقف بتصدمني ما بكون متوقعاها
واخر موقف اليوم الفجر
يا بنات ابصم بال 100 اني صرت مريضه نفسيا
ما عمري كنت هيك
كنت عايشه ملكة بالطناااااااش والكل يستغرب كيف انا هيك
لكن الدنيا لفت في وصرت من اتفه الاسباب ابكي واخبط بنفسي مثل المجانين وافكر بافكار غريبه عساها تريحني
عارفه اني طولت عليكم
بس كل وحده تحط نفسها مكاني وبسني وبظروفي بعدين تحكم علي
ابدا معكم بقصتي وياريت تتحملوني
اول شي انا بنت مخطوبه وعمري 23سنه ومعي بكالوريوس تجارة ولي اخ وحيد اكبر مني واختين اصغر مني
لي ابن عمة كان يدرس هنا ببلدنا نفس تخصصي لكنه اكبر مني بسنتين
هدا الشب اعجب في وكان يحبني علي حسب قوله من سنتين لكن انا كنت مطنشه
المهم
باخر سنه ثانيه صرحلي انه معجب في وانه رح يتقدملي باسرع وقت
وانا بصراحه بدات اعجب فيه
بعد سنه من اعترافه انه حابب يرتبط في اجو اهلو زيارة(اهله عابشبن برة وهو جاي يتعلم ببلدتنا ويسافر)
ما كانو ينزلو عندنا الا عالصيف بشهر 6
باخر سنه ثالثه اجو عماتي ال 6 من ضمنهم ام الشب وخطبوني
لكن بابا رفض (بيكون خال الشب)
لانه لسه طالب وبيته مش جاهز
وسافره اهله وبعد سنه ابوه نزل عندنا لحاله
اجي وبني اربع شقق وتوقعت انه يخطبني لابنه لانه شرط من شروط الوالد تحقق
لكنه طنش
تخيلو انه بيتنا قريب من بيتهم وبينا امتار بس لكن ما شفته ولا زارنا وبابا عزمه وطنش
والاغرب انه ابنه كمان قطعني فجاه لشهرين
من غير سبب
من يومها ونا جاييني احساس انهم مش عايزيني ولا راضيين اني اكون زوجه ابنهم
المهم سافر ابوه ورجع تاني ابن عمتي يكلمني ويعتذرلي ونا كنت اضحك علي حالي واقول يا بنت لا هيو بيحبك وعنده اعذاره
لما ابوه كان عندنا بالبلد كنا باخر سنه رابعه جامعه واضطرينا ناخد فصل زياده انا وهو
المهم بعد سنه باخر سنه خامسه جامعه استنيت اهله يسافره لعندنا لكن للاسف ما اجو
لاحظو انه صارلي 4 سنوات انتظر انه ربنا يتمملنا الخطوبه ويكون النا نصيب مع بعض
بعد 4 سنوات ونص دراسه بالجامعه ابن عمتي جهز حاله وشنته عاساس انه يسافر لاهله ولبلده لانه هو كان جاي يدرس ويرجع تاني
طيب وانا؟
بنت الناس الي ربطتها معك؟
توكلت علي ربي وقلت الي كاتبه بيسير واذا الي نصيب بشي رح اخده
المهم جهز شنت السفر وشاء القدر انه المعبر يقفل وما يقدر يسافر وكل محاولاته كانت تفشل
باخر ايام رمضان الماضي ابوه عمل اله فيزة عمل بشركة كبيرة فبلدهم
وكنت احاول مع بابا انه يوافق بدون فايده
اتفقنا انا وابن عمتي انه يسافر ورح استناه ولما يكون نفسه يتقدملي واكيد بابا رح يوافق
وكان باقي علي سفره ايام بس
لكن حصلت المفاجاه الكبري
ب 15\10\2008
صحيت من النوم علي خبر موافقة بابا علي ابن اخته
كان اسعد يوم بحياتي وحياته
يتبع
يلزم عليك تسجيل الدخول أولًا لكتابة تعليق.
غلا ميشو
•
ليش تربطين نفسك فيه
4 سنوات عمر بحاله انتم الى الان ع البر
شوفي نصيبك مع غيره لان باين عليه بيتعبك في حياتكم الزوجيه
واحمدي الله انه بين على حقيقته قبل ماترتبطون
استخيري الله وانسحبي افضل لك
4 سنوات عمر بحاله انتم الى الان ع البر
شوفي نصيبك مع غيره لان باين عليه بيتعبك في حياتكم الزوجيه
واحمدي الله انه بين على حقيقته قبل ماترتبطون
استخيري الله وانسحبي افضل لك
بارك الله فيكي يا اختي
واشكرك علي تفهمك مشاعري واحاسيسي
فعلا ما في اريح من الاستخارة
شكرا علي مشاركتك
واشكرك علي تفهمك مشاعري واحاسيسي
فعلا ما في اريح من الاستخارة
شكرا علي مشاركتك
ام كرشه
•
شوفي ياستي
اذا بدايتها كذا وانتي متضايقه وهو مايراعيك
وانتي عايشه ومعيشه نفسك بنكد ليه الموضوع يتم ؟؟!!
ما توقع انك لا انتي ولا هو تعيشيون قصه حب
هذا رأيي
اذا بدايتها كذا وانتي متضايقه وهو مايراعيك
وانتي عايشه ومعيشه نفسك بنكد ليه الموضوع يتم ؟؟!!
ما توقع انك لا انتي ولا هو تعيشيون قصه حب
هذا رأيي
مشكلته انه يكابر ويعاند وما يعترف بغلطه
ولو اقتنع انه غلطان يسيبني اغلي واحرق دمي ويصممممممممممت
ذبحني بسكوته
مشكورة علي وجهة نظرك
ولو اقتنع انه غلطان يسيبني اغلي واحرق دمي ويصممممممممممت
ذبحني بسكوته
مشكورة علي وجهة نظرك
الصفحة الأخيرة
بلغت ابن عمتي بالخبر وكلم اهله واتفقو علي المهر والشبكة وكل شي وكتبنا الكتاب يوم 19\10\2009
حددنا يوم لحفلة الخطوبه الي بنتظرها من 4 سنوات
اشتريت الشبكة وحجزت البدلة وحضرتا كل شي
وقبل الشبكة بيومين توفت وحده من قرايب العريس
اجلنا الحفله لاسبوعين لكن ابوه اتصل عليه وقاله اذا بتعمل الحفله لا انت ابني ولا اعرفك
اتحملت وقلت باجل الشبكة لشهر او شهرين
وكنت ب اخاطر علي نفسي لانه المعبر باي يوم احتمال يفتح ويسافر العريس
حددنا موعد تاني
وقبل الحفله باسبوع وقعت عندنا احداث حرب غزة
برضه اتحملت واجلتها لشهرين كمان
وقبل الحفله ب 10 ايام توفي واحد من قرايبنا
واضطريت لرابع مرة ااجل الحفله وانا ايدي علي قلبي لانه احتمال باي وقت يسافر والي نفسي فيه مش رح يسير
وفعلا قبل موعد الشبكة ب 5 ايام ساااااااااااااااااااااافر
4 سنين عزاب وفوقهم 6 شهور انتظار للحفله الي بحلم فيها
وبالاخر سافر واخد فرحتي معه
لغيت كل التحضيرات
واحتسبت الاجر عند الله
هو الان مسافر من 5 شهور تقريبا
والحمدلله وظيفته حلوة وراتبه حلو وكل يوم نكلم بعض
كلكم تتساءلون ويييييين المشكله
المشكله اني بعد كل هذا احس اني ما الي قيمه عنده ولا عند اهله
بالنسبه اله
كنت لما ازعل منه يسيبني اسبوع من غير ما يسال
ولما اعاتبه يقلي الي بزعل لحاله بيرضي لحاله
نفس اسلوبه قبل الخطوبه بيستعمله معي بعد الخطوبه
تخيلو انه عيد الاضحي الي راح كان النا شهر مخطوبين ما عيدني ولا جابلي طقم العيد ولا جابلي شي غير علبة حلويات؟
واهله؟
اهله بعتو عيديه لبناتهم الي هنا ما اتزكروني بمليم واحد؟
وين العادات والتقاليد
وين الاصول
ليش قلة القيمة هده؟
طيب اهله وقيمتي عندهم صفر وهو؟
وين الحب الي بيقول عليه
طنشت زي عوايدي واستحملت وقلت مش مشكله بيجيه يوم يتصلح
غير هيك كان اله بنت خاله كنت احس انه عينه منها وهي عينها منه حتي واحنا بنحب بعض
كنت اقله عشان خاطري المكان الي فيه فلانه ما تكون فيه وهو يطنش
بس كان يتحجج باي حجه علشان يروح عليهم ويشوفها؟
والحب وينه؟
والاخلاص وينه
لما كنت اصارحه يخترعلي الف كذبة
طيب يا ابن الناس نفسك فيها تربطني معك ليش
الموضوع هدا عملي حاله نفسيه
صرت لما اسمع اسمها اشوف الدنيا سوده
وكان يشوفني بتقطع من غيرتي عليه ويطنش ويزورهم
دايما يحسسني قيمتي صفر عنده
مرة وحده عملها وقالي مدام بتتدايقي مش رح ازورهم
وايامها كان فرح ابن خالتي
كلمني وقالي ما تروحي الفرح وما تلبسي واذا رحتي بتروحي مثل الغريبه وبتقعدي ورا
انا طبعا اتدايقت
هدا ابن خالتي كيف اروح مثل الغريبه؟
المهم قلتله انه لازم اروح وعيب
قالي طيب روحي عالفرح ونا بدي اخد اخواني ونروح نزور بيت خالتي (بيت البنت الي حكيتلكم عنها)
عيد الفطر الماضي حكيتله انا بتقطع انا بموت حرام عليك انا قربت انهبل منك ومن البنت هده وهو ولا عباله
اخد خوانه وبرضه راح عبيتهم
واجاني اخر الليل يزورني ولا كانه شي ساير؟
شو هالعبط
انت واحد اخترته وبديته عن عشرات الرجال وبالاخر هيك تعمل معي ليش؟
صرت ما اخد منه غير الهموم
ايام الخطوبة كان يجيني وايده فاضيه
مع انه بمقدرته يجيبلي كل شي لانه مصروفه ماشاء الله كتير
ولما كنت ازعل منه والحق بيكون عليه بيخلي الحق عليا انا وبطلعني غلطانه
تخيلو كمان انه عيد ميلادي نسيه
اول عيد الي واحنا مخطوبين
ولما عاتبته طلعني غلطانه وقفل بوجهي وحط راسه ونام؟
واخر موقف امبارح الفجر
كلمني بعد السحور عالموبايل
بحكيله سمعت انه اهلك بعتو شنته لخواتك الي هنا
ما بعتولي شي؟
حكي لا
قلتله وانت ما بعتت شي
قال لا
قلتله شنته كاملة تنبعت من عندكم لخواتك والعروسه ما اتزكرتوها بشاله ولا بقلم روج؟؟
المفروض شنته كاملة تجيني وتكون الي لحالي
تحجج انه ما معه فلوس
قلتله ولو تداينت من اختك الصغيرة 5 دراهم وشريتلي حاجه بسيطه وبعتتها مع الاغراض شو بيسير؟
طيب اهلك وقيمتي عندهم صفر من زمان مش من اليوم
وانت؟
انت كمان زيهم؟
شو عذركم
حكي بكل برودة اعصاب يمكن نسيو
شوووووووو
نسيو؟
لهالدرجة انا اشي تافه ينسوني
واذا هما نسيو انت شو دورك
المهم حط الحق علي وطلعني غلطانه وقفل الخط
انا ساعتها شفت الدنيا سودة
رميت الموبايل عالارض وصار 5 قطع
وقعدت اخبط بحالي واخبط راسي بحديد البلكونه
لو ضليت ثواني كان رح يغمي علي
وبكل برود اعصاب ناااااااااام
وطنشني
كالعاده
انا حاسة نفسي رخييييييييصة
اكتر شي بيقهرني فلة القيمه
وربنا بعتلي ناس متخصصين بفلة القيمه
والله صرت ادعي علي نفسي وادعي انه موضوعي ما يسير وننفصل
فكرة الانفصال دخلت راسي خلاص
بتقولون اني حساسه زياده عن اللزوم
واني كبرتها وهي صغيرة
لا والله
مليون موقف صار واكدلي الي براسي
انا ضحيت كتييييييير وتعبت كتييييييير علشانه
وكنت متوقعه انه يكون جزائي احسن من هيك
لكن عالفاضي
المهم الفجر قطع المكالمه وبعت مسج ونام
وانا رديت عليه وقلتله انك جننتني خلص وانه رح يسير معي حاله نفسية من وراك
وقلتله انه رح اقطع اتصالي فيه شهرين
لا يسمع صوتي ولا يعرف عني خبر واحد
علشان انا ارتاح وهو كمان
لانه البنادم ما بيعرف بقيمه الشي غير لما بفقده
حابة انه يفقدني فترة معينه
علشان ارجعله ويرجعلي بنفسية صافيه
مش عارفه هل قراري هيك صح
انا مش عارفه اقرر ومش عارفه احكم
نفسيتي التعبانه والهموم الي بقلبي بسببه وسبب اهله طمست قلبي ونظري
اخر مسج امبارح بعته اله عن فكرة اني انقطع عنه شهرين
وقلتله رح ابدا من الدقيقه هده واغلق الموبايل
وقلتله ادعيلي انه ربنا يشفيني ويرجعني الك بالسلامه
تصبح علي خير يا حبي
هده اخر كلمات بعتتها اله
وانا الان تايهة
ياريت تردو علي بحل مريح
وياريت ما تستعجلو بحكمكم علي
انا كتبت الي مضايقني
ولو مش شايفين في مشكلة بكلامي
انسو كل الي قلته واعتبروه من باب الفضفضة
تحيتي