مســـــــــــــــائكم فل وصباحكم نرجـــــــس
قبل فترة كانت في اخت معانا منزلة موضوع عن ريحة ملابس
زوجها وانها استعملت
منظفات ولا فادت معاها وكانت في مشاركات
بموضوعها البعض ماقصر واعطاها حلول
والبعض الثاني الله يهدية ..كانت ردودهم قاسية
المهم انا اليوم ابكتب لكم اشيااااااااء وامور
بأذن الله راح تكتشفين مفعولها بنفسك..!!
طبعا موضوعي يخص اهتمام الرجل بنفسة
ومثل مايقولون
زوجك على ماعودتية وطفلك على ماربيتية
وانتي عودي زوجك على الامور اللي راح اذكرها
وبأذن الله غير تدعين لي
المسألة بالتعود صدقوني والمفتاح بيدك انتي المتحكمة
اولا : *طريقة الاستحمام*
وهذي لها دور كبير برائحة الجسم اللي راح تنعكس
اكيد على الملابس وتثبت فيها
لو دققتوا يابنات الرجال البعض منهم استحمامة سريع ولايركز
على دعك الجسم بالليفة والصابون زين وهذي هي اللي تسبب الريحة
وتتراكم الافرازات والجلد الميت فوق بعض فلو اهتم بهذي النقطة
وركز عليها زين راح تكون لها نتائج قوية عاد انتي
وشطارتك واسلوبك الحلو بمصارحة زوجك بهذي الناحية
وخلية يستخدم الليفة المغربية وتكون لة وخاصة فية
ترى نتيجتها والله روعه
ولاننسى المسواك والفرشة ومعجون الاسنان وفية معطر للفم
بطعم القرفة مفعولة ماشاء الله وبعد في
علك اكسترا اتوقع هذا اسمة رااائع رائع رائع
ثانيا: *حماااااام الساونا*
الاغلب يمكن يسوونة بس ليلة الزواج وباقي الايام والشهور ينساة
والله ماتتوقعون ايش يسوي حمام الساونا فيهم اسألي اي رجال عندك
عنة وشوفي ايش ينزل منهم بجد ترى بعض الرجال ماتهمة هذي الامور بس
الحرمة الشاطرة هي اللي تخلي زوجها يعكس بمظهرة واهتمامة بنفسة
مجهودها اللي تسوية
والمراكز الرياضية متوفر فيها انواع الحمامات وشوفي بعد الحمام كيف يبقى
فترة طويلة وهو مايعاني من راحة عرق او غيرة وممكن اذا موجود عندك
الساونا المنزلي ساعدية فية وجهزية لة وترى سعرة تافه 170 ريال بس
ثالثا: *الملابس الداخلية*
وهذي اهم نقطة لابد لابد لابد تتغير كل تسع شهور على الاقل
لان هي السبب بتجمع الرائحة فعشان كذا لازم يستبدلها بجديدة كل بعد
فترة وصدقوني والله لو غسلتوا الين بكرة
فيها ماتروح الريحة لازم تستبدل وتشمل هذي النقطة الشراريب
وهذي اكيد باستمرار تتغير لان جسم الرجال على الملابس ماشاء الله
بسرعه يقطعها مو زي الحريم فتستبدل وفي نوعية
تجي شوي شفافة هذي افضلها لانها ماتكتم الريحة وتسمح
للرجل بانها تتهوى بسرعه
رابعا: *طاقية الراس*
وهذي هي السبب بتجمع القشرة والدهون بفروة الراس لازم تستبدل ولازم
بعد مايستحم الرجل يترك شعره بدون مايلبسها لحد ماينشف الشعر وبعد
كذا يلبسها والافضل هي اللي تجي خيوطها صوف او قطن ويبتعد عن
اللي صناعتها كانها بلاستيك هذي تزيد القشرة بفروة الراس
وانتي اختي مايمنع بعد انك تسوين حناء وتحطينها لة حتى تقل القشرة
وينظف الشعر واضيفي معاها شوية خل يقضي على الريحة والقشرة
والمواد الدهنية وهذا اصلا اقتداء بالرسول قبل كل شي وشوفي مفعولها
والله ماراح تصدقين
وفي مخمريات للشعر ريحتها كانها عطور رجالية ممكن تمسحين بنقطتين منها على شعر زوجك
خامسا: *مكينة الحلاقة*
طبعا في للشارب وللدقن
وللشعر وادوات الحلاقة الدقيقة
وهذي من اختصاص الرجل بس مايمنع انك تنضفينها وتعقمينها لة
بعد الاستخدام وهي اصلا مريحتك لان معاها محلول وفرشة للتنضيف
سادسا: *مزيلات العرق والبودرة والعطور واللوشنات*
هذي متوفرة بكل مكان وممكن تشاركين زوجك بااختيارها
بالعكس المفروض انتي اللي تختارينها في عند بودي شوب مجموعه راائعه
وفي غسولات وبودرة جدا رائعه للمناطق الحساسة وموجودة بالصيدليات
بالنسبة لاأطقم الشور انتبهي يستخدم مجموعه اول مرة يشتريها
يعني ماسبق وجربها اهم شي بالمجموعه وممكن يتحسس
منة الرجل هو اللوشن استخدم اخوي نوع وماهدت عنة الحساسية
الا بأبرتين بالمستشفى فاانتبهوا يدهن منطقة صغيرة اذا ناسبة والا لايستعملة
سابعا: *مبخرة خاصة بالسيارة وعود ازرق*
هذي ممكن تشترينها كهدية لزوجك ويخليها بسيارتة ويشغلها
عن طريق السلك المخصص لها موجود بكل السيارات وللاسف
البعض يستخدمة للدخان ( ابذكر نقطة للاخوات اللي ازواجهم
يدخنون اسأل الله ان يهدي رجالهم ياارب ويتركون الدخان لانة
من اهم اسباب الرائحة بالجسم)
المهم الفكرة هذي تجنن وتدوم الريحة
بالسيارة لفترات طويلة وعن تجربة
ثامنا: *تعطير الزوج بدهن عود قبل مايخرج*
والحرص على منطقة
اطراف الشعر والمنطقة اللي خلف الاذن
لانها اكثر المناطق اللي تحتك فيها الطاقية وطبعا تكونين
معطرة الطاقية من قبل
وفية دهن عود اسمة الشيخ مرة روعه جربوة
تاسعا:*الجزم والابوات*
مافي اسهل من تلميعها باستخدام الملمع الخاص فيها
في بودرة مخصصة للجزم
اكرمكم الله علشان تمنع الريحة وخاصة بالصيف ممكن تنثرين منها
داخل الجزمة قبل لايلبسها علشان تمنع الرائحة والعرق ولو اشتريتي لة جزمة على ذوقك
وهذي انا دايم اسويها وحاولي تشترين ماركات
مو تقليد لان هي اللي مستحيل تطلع منها ريحة
عاشرا :بالاخير ممكن نروح وندور على المنظفات واللينور
والاريل لاني اجزم انك ماراح تستخدمينها اذا سويتي النقاط
اللي فوق لان ماصار لها اهمية الان
اخييييييرررررا
اتمنى من الله ان تستفيدون يابنات من الموضوع
وهو من جهدي والله العظيم
وكلة حرص وتذكير لخواتي المتزوجات
وللي ان شاء الله بيتزوجون
ورجاااااااااااااء بنات
اللي بترد رد مو محترم
الله يشغلها عني يااااارب
لان والله حرام الواحد يتعب وينزل
ويلقى تجريح
دمتم بود وسعادة زوجية ياااااارب
&&شاركوني يابنات بااهتماماتكم يمكن فية شي انا ناسيتة كل وحدة تذكر اي معلومة بهالمجال&&