حـــــــزن

قبل لااكتب القصيده بس حبيت اقولكم انه هل قصيده عزيزه علي قلبي وعندي من سنه 1996م ,,,,لاتسالوني منو الشاعر ,,,,
اذا قريتوا القصيده بتعرفون قصتها واتمني تلاقي صداها بالمنتدي القصيده تقول,,,,,,,,

الي كذبوا قالوا لو هم يقولون

ان الهوي ماعاد تحفظ حقوقه

عايشت ناس بالمحبه يعانون

وسمعت قصه من وفاء لمعشوقه

عاشت علي رجواه لوعات وحزون

سبع سنين وحبها ماتبوقه

ترفض لجل عيناه من جو يخطبون

العاشق الي حبها في عروقه

وشاااء القدر في لحظه انهم يصيرون

زوجين والله قدرته ماتعوقه

وتسامروا لحظه ولحظه يتناجون

والليل روح واعتلته الشروقه

وتزينت لمواجهة الي يهنون

وجته علي اول دخلة النوم موقه

قالت حبيبي عد مرات ويهون

ونادته والعبرة بعدها مخنوقه

هزت يدينه صابها حاله جنون

وشقت بيديها ملبس كان فوقه

وضمته فوق الصدر وتقول تكفون

لاياخذه موته وانا ابقي محروقه

وصدو بها غصب من الناس ليجون

وطاحت شهور وزادها ماتذوقه

وبقت علي ذكراه لوكان مدفون

في قلبها حبه توسع فتوقه

تحلف يمين تموت ماحبه تخون

عهد تجدد وكل يوم وثوقه

هذي تراها عادت الي يحبون

حبيبهم لومات تحفظ حقوقه

وسلامتكم
تحيات اختكم حارقتهم
الرجاء عدم النقل