ياهلا وغلا
اسمعن وانا اختكن عندي حلى يسفه ويهبل <<< بسم الله عليكن من الهبال
صدق يبيض الوجه ولكنه دسم شوي
يعني اللي به سكر او تسوي رجيم رجاء برا << لا امزح
ما اعرف اكتب مقادير وبعدين طريقة وما ادري وش هالدلع اللي ماله لازم
على طول الطريقة
وارجو انه ما احد كاتبه قبلي
اولا الطبقة الاولى.............
بسكوت مطحون مع زبدة مع شوي قشطة يعني ملعقتين او ثلاث عشان يتما سك
لا احد يسالن كم المقادير هذي معروفة على حسب الصينية اللي عنك
الطبقة الثانية ..................
تجيبين شعيرية مكسرة صغير ـ كيس واحد ـ الشعيرية لا تطحنينه بس تكسير صغير وتحمسينه على النار بدون زيت حتى تصير لونه بني فاتح
وبعدين ابعديه عن النار وحطي عليه نستله الحجم الوسط اللي بخمسة ريال
وحطيه على الطبقة الاولى ودخليه الثلاجة عشان شوي تجمد
الطبقة الثالثة .................
جيبي ثنين جالكسي وحطيهم في حمام مائي مع وحده قشطه
تكون الطبقة الثانية شوي بردت
حطي الطبقة الثالثة ودخليه الثلاجة
الطبقة الرابعة ..................
جيبي علبة دريم ويب اللي فيه حبتين وحطيه بالخلاط مع وحدة قشطة وثلاث اصابع تويكس وكاسة صغيرة ماء حار مذوبة فيها ملعقة جيلاتين وتحطينه كلهن في الخلاط وتخلطينه
اذا كان ثقيل وما ينخلط اضيفي شوي ماء اللي يحركه بس
وبعدين صبيه على الصينية وحطيه بالثلاجة حتى يجمد
وبعدين اذا جمد قطعيه بالسكين شوي شوي وامسحي السكين كل ما قطعتي عشان ما تحوسين الحلى
واذا خلصتي كوليه بالعافية وعلميني وش رايك فيه
وسلامتكن
أختكن / فتــــــــــــــــــــــــــــــــــاة الجامعـــــــــــــــــــــــــــــــة
يلزم عليك تسجيل الدخول أولًا لكتابة تعليق.
دهن الوورد
•
مشكوره على الحلى الذيذذذذ.......
الصفحة الأخيرة