حـــــلال عـــلـــيـــهـــم وحــــــرام عــــلـــيـــنــــا !!

السلام عليكم ورحمة الله وبركاته


مرحبا بنات شلونكم ؟

قبل كل شي أنا آنسه ومب متزوجه :42:

بس في سؤال يدور بخاطري من كم يوم وودي أعرف جوابه .. وخصوصاً منكم يامتزوجات

من فتره كنت قاعده مع صديقاتي

عاد إللي مخطوبه وإللي متزوجه وإللي عزابيه مثلي :hahaha:

فكنا نسولف عن تجهيزاتهم للعرس وإللي تبي تسوي ذكرى لعرسها وإللي تبي تلبس لزوجها وإللي تبي تجهزج لزوجها...إلخ

أوكي لحد هنيه الكلام حلوو .. وحلو إن الزوجه تسوي كل هذا عشان ترضي زوجها وتغنيه عن شوفة غيرها

لكن!!!!

إللي عرفته إن الأزواج مايفكرون في رضى زوجاتهم مثل مازوجاتهم يفكرون فيهم

على سبيل المثال

واحد يقول لزوجته إنتي شوي مليانه أبيج تضعفين وتشدين جسمج .. والزوجه تقوله سمعاً وطاعه وتنفذ

لكن لو مثلا قالت لزوجها .. جسمك عادي أبيك تلعب رياضه وتشيل حديد عشان جسمك يعضل وتطلع تقاطيعه

شتتوقعون ردة فعله !! هل ممكن يبذل مجهود لزوجته عشان يبني لجسمه عضلات؟

لما الزوج يقول لزوجته لبسي أحلى لبس لبسي المستر والكاشف والقصير والطويل وكل شي .. أبيج تلبسين لي لبس كل يوم من دوله

مره هندي مره صيني أمريكي أسترالي أفريقي خليجي...إلخ

وتلبس له عشان تملي عينه

لكن لما نجي للزوج .. بالله عليكم يابنات .. مب معظم الأزواج يجلسون بالبيت بفانيلا وسروال ؟ "ملابسهم الداخليه"

ليش مايلبسون لنا بجامه ؟ ليش مايلبسون بدلات رياضيه أو بدلات رسميه

ليش إحنا كل يوم نكون لهم بشكل جديد وهم طول العمر بشكل واحد!!

بسالكم سؤال وجاوبوني بصراحه .. إنتوا عاجبكم شكل أزواجكم وهم كل يوم بهاللبس ؟ ماودكم يكون لهم جسم معظل ؟

ماودكم يلبسون لكم بجامه أو بدله رسميه ؟

طيب لو ودكم .. هل مره صارحتوهم وقلتوا لهم .. وش كانت ردة فعلهم !!

ليش لما الزوجه تطلب من زوجها إنه يملي عينها يتهمها بالتفتح وإن عينها زايغه !!

زايغه على من! مب على زوجها!

شهالتفكير!!

صحيح إن أنا بنت وللحين ماتزوجت .. بس لما أفكر في هالموضوع راسي يفتر :42:

يعني بجد .. أنا لي حقوق فيه مثل ماهو له حقوق فيني

وإلا أنا غلطانه !!

:(

بإنتظار مشاركاتكم

:26: :)