دادونيا الممرضه اللي مع فاطمه عسيري تتغير انا اراجع عندها وكل مره تجي وحده غير

حياك الله دادونيا
ضحكتيني على ممرضة الدكتوره فاطمه صادقه انا مدري شلون اشكال ممرضاتهم كذا كلهم وجوههم مدوره وكبيره ههههههههههه وباااردين بس على قولة همسة غلا دامهم يتغيرو

بس انا ممرضتي اسمها هيا تجنن وصارت صاحبتي بس خاصه بالدكتوره سميره ..

والله يعينك دامك بكر مثلي
اهم شي ربي يقومنا بالسلامه وتقر عينا بشوفة الكتاكيت
آآآآآآآه ياني مشتاااقه اشوفه

تتوقعين بنت او ولد

ان وحده مره مشفوحه الله يصبرني لما اسوي سونار
مع اني مااظن اصبر

همسة غلا الف شكر على الرد السريع ياعمري
بس سألت في المنتدى عن فاطمه ومااحد اعطاني جواب عن الخياطه
ودمتم

هلااا دادونيا
انا مشفوحه اكثر منك ومييته ابي اعرف مع انه المفروض الحين اكون عرفت
لانه في بنات قالو يعرفون من الثالث ماشالله
بس انا اولا الطبيبه ماعطتني وجه كل ماسالها تقولي بعدين توك! وهي بالعاده الفلبينيات يعطون نتيجه افضل ويخبرونك بالسونار لانه الطبيبه مايشغل بالها هالاشياء .
بس انا حتى الفلبينيه حقت الاشعه لما عملتلي قالت موباين المره الجايه وانا على نااار مستنيه اعرف بنوته ولا ولد مع انه احساسي ولد مدري ليه؟؟ واللي يجي من الله ياحياه الله
لما اعرف انشالله بخبرك وانتي بالشهر الاول يعني باول المشوار الله يقويك بس انتبهي لنفسك
والشهور الاولى انا مرت بسرعه ماحسيت فيها بس هي اخطر شي
خلي ابو الشباب يدلعك ويريحك ع الااخر ؛)