دلعها حلاها
الف الف الف مبرووووووووووووووك
بارك الله لك في الموهوب لك وشكرت الواهب وبلغ أشده ورزقت بره
الحمدلله على السلامه ياقمر وننتظر التفاصييل
ربي يقر عينك بصلاحه ويهديه لك ياااارب وتقومين بالسلامه

ام نسيبه ما شاء الله تبارك الله عليك ردودك تجنن الله يحفظك يارب ويفرح نظرتك
دلعها الف الف الف مبروك والحمد لله على السلامه يتربى في عزكم .
الجمانه مشكوره كتبت الادعيه الله يجزاك خير يارب
والباقين كيفكم حبيباتي
انا اليوم كأني احسن ان شاااء الله واتوقع اللي جاني ارهاق مع براااد
بنات بسألكم اجهز الاغراض من الحين احس بدري ؟؟؟ والا احسن من الحين وبصراحه انا ما عندي الا كمون وقرفه بس
تتوقعون القى الاغراض هنا في بريطانيا ؟؟؟؟؟

يسلموو على الموقع القميل
وعلى طاري بنات الديرة الحين البنات من وين؟
ماعرف الا نوسا في استراليا
ياليت جميلات العرب يقولون وين
<<<نوع من اللقافه:30:


شوفي ياعسل بقولك شي
بما انك من اولها تبين مامتك اختصري عليك الطريق وروحي عندها
شوفي الحين انا الثاني والله اقول ليتني قاعده عند مامتي وبابتي بعد مرره متعلق لكن ظروف دراسة ولدي مااقدر اقعد
ولا وش يجيبنا هنا ولادة ومولود جديد وانا اقول يمكن عملية وين جمجمة الحين تقو لتفائل
بس انا الأول عملية احتمال عملية
يعن يبيكون تعب ماله اول ولا له اخر
والصراحة فرحة المولود بين اهلك والضيوف اللي يطلعون ويدخلون والمباراكات هنا الواحد الصراحة يفقدها
انا لو مكانك رحت ولا فكرت لكن اضبط الروحةمو من الحين عشان ماتطفضين
انتي قلتي على الكريسمس بتنزلين كويس واول ماتولدين بالسلامه تعالي انتي والبيبي ارجعي لزوجك عروس
لكن يختلف على حسب الرجال اكيد بعد متحمس لأبنه الأول
يعن يالوضع صعب
بس انتي لاتضغطين على نفسك عشان حماسه:( لأنه تقولين مشغول وعنده اختبارات يعن يوجودك بيعطله
هذا رأيي



تصدقون عاد يابنات الحين افكر اقول بالسعوديه الحريم يجيبون الخامس ويبتطحون ويتسدحون واحنا تونا نكرف
مافيه دلع
عارفه مافهمتوا بس مجرد خاطرة هع:22:



ههههههاي كائن غريب وانتي الصادقه من قوم نوح بدائي لووووول الله يعينك وضعك صعب:eek:
اجل انتي الحين ماتدرين وش تفكرين فيه خرابيط النفاس ولا فوق ولا تحت القعده

اما سالفة عيالك ينامون ياويلي شر البلية مايضحك:42: خوفتيني طيب شنسوي عشان يصحوون

بالنسبه للظهر انا ظهري معدوم اذا انسدحت ماقدر اقوم لازم احد يسحبني ولا اقعد ساعه افحط :(بالسرير وادور واخمس حتى تجيني القوة والقى الوضعيه المناسبه للقومه
الله يخلف بس

دلعها حلاها يتربى بعزكم يارب والف حمدلله ع السلامه

نوني امم انتي وش تبين بالضبط اتوقع تلقين بس يبي لك تدورين من بدري وعلى حسب المنطقة اللي انتي فيها




ام نسيبه 3 ونص الحال من بعضه صاير نظامي زفففففت

انام 4 واقوم 8 اودي ولدي للمدرسه بعدين ارجع اكمل نوم واصحى 2ونص وعلى هالحال

جمجمة دوري دوري

اخواتي اوصيكم بتقوى الله في السر والعلن وتدهين البطن
من جد اتكلم
والله دهنوا بطونكم لاتتهيونون ومن بدري بعد
فيه زيت حلو
bio oil


لنه هنا شوفيهم تجيك الوحده معها 3 اطفال وكلبين بعد
>>ِشدخل الكلابه :22:
وبطنها لاضق مافيه ولاشخط بالغلط
وحنا خرايييييييط
لازم نلحق على الجليد الباقي لاتصير الدعوة سليييييق

الله يعيين بس
وش بعد وش بعد

اشتروا دفتر صغير وخلوه عند روسكم او جنبكم اللي تبون
>>>تخيلت جمجمة تمشي وحاطته فوق راسها :22:
واكتبوا فيه اي شي ناوين تسوونه او تشترونه فترة الحمل او النفاس ولا للبيبي
لأن من كثر التخطيطات و و و ينسى الواحدعشان كذا التسجيل ضروري
واذا انتم تستخدمون فوط صحيه ومرتاحين لها
ترقبوا التخفيض لأنها يجي احيانا عرض اشتر وحده والثانيه مجاني فرصه لنه خبركم بالنفاس ماندري نلحق علينا ولا حفايظ البزارين

وش بعد وش بعد وش بعد
اذا تذكرت شي قلت لكم

ايه صح فيه شي ثاني وحده تقول اول ماتولدين بخي عطر او شميه
>>>لاتجيني الحين وحده تقولي حرام ومدري ايش ونقلبها هوشه خبركم عالم حواء لازم هوشات :22:انا اقولكم قالت قااااااااالت وحده
يعن يماجربتها بس ناويه اسويها عشان مايصير شمم
لكن بعد الولادة مو قبل عشان مايتسكر الرحم ويصير اشياء ماخططنا لها
انا ناويه اخلي معي عطر صغير واشمه او ارش على ملابسي رشه وحده اورشتين


بس اعتقد كذا كفايه عطشت ابي اشرب موية

المايك الحين لمين؟؟؟